Þökkum þeim er hafa stutt okkur í raun

Þrátt fyrir allt er lífið kómedía. Við höfum átt þær margar í Kómedíuleikhúsinu allt frá því leikhúsið var stofnað 1997. Víst eru brekkurnar margar og einbreiðu brýrnar enn fleiri hvað þá á okkar Vestfjörðum. En við erum vestfirsk og þar er þrjóska í flestum æðum. Við höfum þvi, eftir helgar umhugxun, ákveðið að halda áfram að reka atvinnuleikhús á Vestfjörðum. Ef eitthvað ætlum við að tryggja stoðirnar miklu frekar í okkar héraði sem og um landsbyggð alla. Enda erum við ekki aðeins atvinnuleikhús Vestfjarða heldur lítum á okkur sem leikhús landsbyggðarinnar allrar. Við höfum ekki töluna á því hver marga hringi við höfum farið í kringum landið með sýningar okkar en það er næsta víst að landhringferðirnar verða fleiri. 

Við erum núna aðeins að endurstylla okkur og finna leiðir til að starfa áfram með sama krafti og við höfum gert. Það tekur einhvern tíma enda erum við vön því að hinir góðu hlutir gerast hægt. 

Það er margt í okkar leikhúspípum núna. Við byrjuðum nýverið að sýna verðlaunaleik okkar Gísla Súrsson á ensku í Tjarnarbíó og munum halda því áfram eitthvað fram í mars. Við erum einnig að æfa nýtt leikrit sem ber vinnuheitið Valhöll og er stefnt að frumsýningu í lok febrúar.  

Einsog við höfum sagt áður þá hefur okkar bakland verið heima í héraði sem eru Vestifrðir allir. Baklandið hefur þó stækkað og fært sig víðar um landsbyggðina. Það þykir okkur vænt um. Okkur líður bara einsog í Valhöll það hafa eiginlega 540 hurðir opnast þegar þessi eina lokaðist um daginn. 

Lífið er sannlega kómeída.

Fastir liðir einsog venjulega - skilaboð frá Menningarráðuneyti

Í dag var stór dagur í listalífi þjóðar. Reyndar árlegur. Dagurinn sem tilkynnt er um listamannalaun og um leið hvaða leikhópar fá styrki til uppsetningar á leikverki. Það er Leiklistarráð sem ákveður hverjri fá styrki í leiklistardeildinni. Árið 2002 fékk Kómedíuleikhúsið styrk frá þessu umdeilda Leiklistrarráði. Síðan ekki söguna meir. Nei, árlega höfum við fengið sama svarið, Því miður. Nú hefur Íslandsmet verið slegið í því miður svörum Leiklistarráðs því í dag fengum við enn eitt því miður svarið. Geta skal þess að Kómedíuleikhúsið er með elstu sjálfstætt starfandi leikhópum á landinu. Kómedíuleikhúsið er eina atvinnuleikhúsið á Vestfjörðum. Kómedíuleikhúsið hefur á innan við 20 árum sett á svið 43 leikverk. Aðeins eitt þeirra hefur hlotið náð hjá Leiklistarráði. Eitt. 

Nú er eðlilegt að þú lesandi góður spyrjir þig sömu spurningar og við. Af hverju? Fyrsta sem okkur dettur í hug er að verk okkar séu ekki nógu góð. Þau eru greinilega einhver hrákasmíði gerð af einhverju listapakki á Vestfjörðum. Annað hefur og hvarlað að okkur að við séum bara ekki nógu merkilegur pappír fyrir leiklistarsenuna. 

Við lítum á þetta sem mjög stóran áfellisdóm yfir okkar stafi sem atvinnuleikhús á landsbyggð í nærri tvo áratugi. Sárast er að fá þennan harða dóm frá sjálfu Menningarráðuneytinu. Skilaboðin eru því frá þeim bæ eru að loka bara sjoppunni. 

Við verðum auðvitað að huxa okkar gang þegar við fáum svo harkalegan dóm frá Menningarráðuneytinu sem vill greinilega að leikhúsinu verði lokað á Vestfjörðum strax. 

Við ætlum að huxa málið yfir helgina.

Við höfum frá upphafi haft gott bakland heima í héraði og erum því sérlega þakklát. 

The award-winning Icelandic saga theatre play Gísli Súrsson will be performed in English in Tjarnarbio Reykjavik. First show is tonight 7. january at 20.00 o'clock. Tickets on www.tix.is Next shows are 14. and 22. of january. 

The play Gísli Súrsson is based on the great Icelandic saga, The Saga of Gísli Súrsson, which is one of the most famous and popular of all the sagas. Gísli Súrsson was a great Icelandic Viking that came from Norway at a young age and moved to Haukadalur in the Westfjords of Iceland. Everything is peaceful there to begin with, but that peace will not last. As the story unfolds that peace is shattered and a time of great unrest follows.

Gísli Súrsson first premiered in 2005 and has been performed over 350 times in Iceland and all across Europe, including performances in Albania, Germany, Luxemburg and Norway. The play has won awards at two international theatre festivals.

The dates for Gísli Súrsson in Tjarnarbíó are:

January: 7, 14, 22

February: 5, 12, 25

All shows starts at 20.00 o'clock

Tickets at www.tix.is 

Einleikurinn EG var frumsýndur á árinu

Þegar það er gaman í vinnunni þá flýgur tíminn sannlega áfram. Það er góður og gegn siður að lita á lokaspretti hins dálaglega árs yfir eigin verk. Víst var árið okkur sérlega annasamt þar sem talan 2 var í aðalhlutverki. Því bæði frumsýndum við tvö verk og gáfum út jafnmargar bækur. Gíslatakan hélt áfram um land allt með þeim Gíslum á Uppsölum og þess Súra. Margt fleira mætti nefna af kómískum tíðindu ársins og því ekkert annað að gera en að greina frá því helsta.

EG 

Hinn vestfirski saganarfur hefur verið okkar mesta, besta og dýrmætasta yrkisefni á leiksviðinu. Á árinu bættust tveir nýjir leikir í vort leikjagallerý þó annar væri enduruppfærsla. Í upphafi árs fengum við stórskemmtilega pöntun úr Bolungavík frá bæjarstjóra þess mæta bæjar. Að búa til leikverk um föður bæjarins Einar hugsjónamann Guðfinnsson. Við fengum til liðs við okkur leikstjórann Rúnar Guðbrandsson sem setti í handrit ásamt leikara og leikhússtjóra vorum Elfari Loga Hannessyni. Leiknum gáfu þeir hið margræða nafn EG. Rúnar annaðist leikstjórn og að vanda var Elfar á senunni, já þetta er enn einn einleikurinn. Aðrir listamenn sýningarinnar voru Björn Thoroddsen er gaf verkinu viðeigandi músík og okkar ljósameistari Magnús Arnar Sigurðarson lýsti upp ævintýrið. Tæknimaður var Natan Elí Finnbjörnsson. Styrktaraðilar EG voru afkomendur söguhetjunnar, Bolungavíkurkaupstaður, Orkubú Vestfjarða og Uppbyggingasjóður Vestfjarða. 

EG var frumsýnt á söguslóðum í Einarshúsi Bolungavík 23. maí og er 42. verkefni Kómedíuleikhússins. Alls voru 15 sýningar í Einarshúsi á árinu og ein í Reykjavík. Sýningar halda áfram á komandi kómísku ári. 

Sigvaldi Kaldalóns

Í febrúar 2013 frumsýndum við leikrit um Sigvalda Kaldalóns. Um var að ræða leik fyrir leikara og tónlistarkonu sem sýndur var víða um land við afrabragðs góðar viðtökur. Það var ávallt okkar draumur að færa þennan leik upp að nýju enda var sýningum hætt fyrir fullu húsi. Betra seint en ekki sagði einhver og loksins árið 2018 létum við þau áform rætast. Sami leikari og var í frumuppfærslunni var í hlutverki Kaldalóns okkar Elfar Logi. Tónlistarkonan var að þessu sinni Sunna Karen Einarsdóttir. Leikstjórn annaðist Þröstur Leó Gunnarsson og er þetta í annað sinn sem hann leikstýrir hjá okkur. Leikmynd og búninga hannaði Marsibil G. Kristjánsdóttir og Magnús Arnar Sigurðarson hannaði lýsingu. 

Sigvaldi Kaldalóns var frumsýnt 4. október í Hannesarholti. Í framhaldinu voru fjölmargar sýningar bæði á frumsýningarstað sem og fyrir vestan og norðan. Í það heila urðu sýningar 12 og enn verður bætt í á komandi ári. 

Geisli og Allir dagar

Kómedíleikhúsið hefur í gegnum árin gefið út bæði hljóðbækur sem bækur og hélt þeirri yðju áfram á árinu. Í júní kom út 7 bókverk Kómedíuleikhússins sem vitanleg tengist Vestfjörðum nema hvað. Við erum atvinnuleikhús Vestfjarða og sinnum fyrst og fremst okkar eigin sagnaarfi. Á árunum 1946 - 1960 var gefið út á Bíldudal dulítið en stórmerkilegt blað er bar heitið Geisli. Ritstjóri var séra Jón Kr. Ísfeld. Geisli var safnaðarrit en í hverju blaði voru fjölbreyttar fréttir og fróðleikur um þorpið. Það eru einmitt þessar einstöku fréttir og fróðleikur sem fylla bók okkar Geisli Bíldudal 1946 - 1960. Hér er sannlega fjölbreytt saga þorps sem aldrei hefur verið sögð áður. 

Í nóvember sendum við svo frá okkur aðra bók og enn var leitað í hinn vestfirska sagnaarf. Að þessu sinni í ljóðin. Allir dagar eiga kvöld heitir bókverkið og er ljóðaúrval skáldsins frá Hólmavík Stefáns Sigurðssonar. Er kenndi sig við Hvítadal. Hér er á ferðinni sérlega vegleg myndskreytt útgáfa þar sem myndskreytarnir koma allir úr sama ranni. Móðir, dætur og barnabörn. Stefán er án nokkur vafa eitt af okkar albestu og áhrifamesu ljóðskáldum. Ljóð hans hafa hinsvegar ekki verið aðgengileg á bókverki um langa hríð og var því sannlega komin tími á að bæta úr því. Útgáfu bókarinnar var enda fagnað víða m.a. í Sauðfjársetrinu á Ströndum þar sem ungir sem aldnir lásu úrval ljóða úr Allir dagar eiga kvöld. Í nóvember tókum við þátt í árlegri Bókamessu í Hörpu var við kynntum útgáfu ársins. 

Bækur okkar fást í Eymundsson um land allt. Einnig í Bóksölu stúdenta og Mál og menningu. 

Gíslatakan hélt áfram

Það er óhætt að mikil Gíslastaka hafi verið í gangi í Kómedíuleikhúsinu og það í 14 ár. Já, árið 2005 frumsýndum við einleik um Gísla Súrsson sem hefur verið á fjölunum öll árin síðan. Árið 2016 bætt svo enn í Gíslatöku vora þegar við frumsýndum einleik um Gísla á Uppsölum. Báðir þessir leikir hafa verið sýndir víð fádæma miklar vinsældir um land allt og sá Súri farið oftsinnis til úttlanda unnið til verðlauna og það oftar en einu sinni. Gísi á Uppsölum var sýndur víða á árinu alveg frá Þingeyri til Eskifjarðar og allt þar í millum og kring. Sýningum lauk þó á árinu en í það heila var þetta áhrifa verk sýnt 83 sinnum þar af 20 sinnum í Þjóðleikhúsinu. Er Uppsala Gísli næst mest sýnda verk okkar hitt er vitanlega hinn Gíslinn. 

Hinn Gíslinn er þó engan vegin kominn í neinn súr. Öðru nær því leikurinn var sýndur bæði á söguslóðum í Haukadal í Dýrafirði, á Ísafirði og bara útum allt. Hið kómíska er þó að Gísli Súrsson er langoftast sýndur á ensku í dag. Alls hefur Gísli Súrsson verið sýndur 327 sinnum. 

Allt að sólu

Margt fleira var brallað á árinu. Við sáum í upphafi árs um heljarmikla Þrettándagleði á Ísafirði í samstarfi við hóp listafólks og jólavætta sem sveina. Við buðum æsku Ísafjarðarbæjar uppá skemmtun á 17. júní sem og jólaljóðadagskrá í Safnahúsinu Ísafirði. Við lásum uppúr vestfirskum bókum á Hlíf Ísafirði og víðar um landið. 

En allt þetta hefðum við eigi geta gjört án okkar kæru styrktar- og samstarfsaðila. Ber þar sérstaklega að nefna Uppbyggingasjóð Vestfjarða sem hefur verið okkar stærsti bakhjarl síðustu ár. Sem og Ísafjarðarbær sem hefur verið með styrktar og samstarfssamning við Kómedíuleikhúsið mörg undanfarin ár. Áhorfendur um land allt hafa svo gert ævintýri ársins að veruleika því án þeirra er leikhúsið ekkert. Kómedíuleikhúsið vill nota tækifærið og þakka stuðning ykkar og samstarf mörg undanfarin ár. Þökk fyrir að hafa trú og um leið áhuga á okkar starfi. 

Við erum samt ekkert að hætta ef eitthvað ætlum við bara að bæta í. Það eru fjölmörg verkefni væntanleg á komandi frábæru ári 2019. Nefnum þessi helstu hér:

Valhöll, goðafræðileikur fyrir börn á flestum aldri frumsýndur í febrúar

Gísli Súrsson sýndur á ensku sem íslensku um land allt

Listamaðurinn með barnshjartað sýndur í Selárdal í sumar

EG sýnt í Bolungavík sem Reykjavík

Sigvaldi Kaldalóns sýndur um landið

Leiklist á Þingeyri nýtt bókverk

Enn og aftur þakkir til ykkar kæru landsmenn og hlökkum til að sjá ykkur í leikhúsinu á komandi kómísku ári. Vegni ykkur allt að sólu. 

Þess óskar áhöfn Kómedíuleikhússins. 

Valhöll goðafræðileikur frumsýndur á nýja árinu

Kómediuleikhúsið sendir velunnurum sínum, styrktaraðilum og áhorfendum um land allt kómískar jólakveðjur. Við erum spennt fyrir komandi ári sem við viljum mjög gjarnan deila með ykkur öllum. Margt kómískt verður á okkar fjölunum á komandi ári:

Gísli Súrsson sýndur á ensku í Tjarnarbíó Reykjavík

Frumsýning á nýju alíslensku leikriti Valhöll

Sýningar á Sigvalda Kaldalóns halda áfram

Sögulegi einleikurinn EG sýndur bæði í Reykjavík og Bolungavík

Listamaðurinn með barnshjartað sýndur í kirkju Samúels í Selárdal

Sjáumst hress og kát á komandi ári í leikhúsinu þínu. Vegni ykkur allt að sólu.

Gísli Sursson will be in Reykjavik 2019

Gisli Sursson the award-winning Icelandic saga theatre play will be performed in English in Tjarnarbio Reykjavik. Shows will be in january and february. Tickets on tix.is 

Gisli Sursson in Tjarnarbíó Reykjavík the dates:

January: 7, 14, 22

February: 5, 12, 25

Every show starts at 20.00 o'clock

Tickets on www.tix.is 

The play Gísli Súrsson is based on the great Icelandic saga, The Saga of Gísli Súrsson, which is one of the most famous and popular of all the sagas. Gísli Súrsson was a great Icelandic Viking that came from Norway at a young age and moved to Haukadalur in the Westfjords of Iceland. Everything is peaceful there to begin with, but that peace will not last. As the story unfolds that peace is shattered and a time of great unrest follows.

Gísli Súrsson first premiered in 2005 and has been performed over 350 times in Iceland and all across Europe, including performances in Albania, Germany, Luxemburg and Norway. The play has won awards at two international theatre festivals.

Performance length: 55 minutes

Actor: Elfar Logi Hannesson

Script: Elfar Logi Hannesson and Jón St. Kristjánsson

Sets: Jón St. Kristjánsson and Marsibil G. Kristjánsdóttir

Costumes: Marsibil G. Kristjánsdóttir

Director: Jón St. Kristjánsson

Aðeins ein sýning af 43 hefur verið styrkt af Menningarráðuneyti

Árið 2002 fengum við í fyrsta sinn styrk frá Leiklistarráði sem er sjóður Menningarráðuneytis sem úthlutar styrkjum til atvinnuleikhópa og húsa. Styrkurinn var uppá rétt yfir tvær milljónir fyrir uppfærslu á einleiknum Mugg. Frumsýnt var í fæðingarþorpi söguhetjunnar á Bíldudal. Eftir það lá leiðin á Ísafjörð var leikurinn var sýndur tvo ganga. Þá var okkur boðið að sýna í Borgarleikhúsinu sem við gerðum og fylltum salinn tvisvar. 

Af hverju er þetta rifjað upp nú? Jú, vegna þess að við erum einmitt með umsókn hjá Leiklistarráði núna og bíðum líkt og hjá böðlinum eftir svari. Reyndar er nú um að ræða tvíleik. En það sem angrar okkur mest er að við höfum aðeins einu sinni fengið styrk frá Leiklistarráði. Já aðeins í þetta eina sinn árið 2002. 

Samt erum við einn elsti starfandi sjálfstæði leikhópur landsins.

Erum eina atvinnuleikhúsið á Vestfjörðum og aðeins eitt annað rekið á landsbyggð.

Við höfum sett upp 43 verk þrátt fyrir að afskiptaleysi Leiklistarráðs.

Er nema von að margur spyrji sig hvað veldur? Er það stefnuleysi Menningarráðuneytis í atvinnulistum á landsbyggð? Er það að það að reka atvinnuleikhús á landsbyggð sé ómerkilegra en að reka það á höfuðborgarsvæðinu? Svo margar hugmyndir skjóta upp kollinum. 

Við erum ávallt bjartsýn annars værum við ekki svona fullorðinn orðinn. Það er hinsvegar mikilvægt að láta vita þegar óréttlæti er beytt gangvart atvinnulistum á landsbyggð. Við bíðum auðvitað spennt eftir svari Leiklistarráðs hvort það verði annað en því miður kemur í ljós á nýju ári og við munum tilkynna það að sjálfsögðu hér á heimasíðu okkar hvort heldur sem svarið verður. 

Vestfirskar jólaljóðastundir

Vikan hefur sannlega verið jólaleg hjá okkur í Kómedíuleikhúsinu. Enda styttist nú óðum í hátíðina meira að segja fyrsti jólasveinninn mættur til byggða. Við settum saman sérstaka og alvestfirska jólaljóðadagskrá og fluttum fyrir eldri og yngri borgara á Ísafirði. Yngri borgararnir mættu í Safnahúsið á Ísafirði en við fórum til eldri borgara á Hlíf. Alls voru fluttar 9 jólaljóðastundir á þessum stöðum. 

Hin vestfirska jólaljóðastund samanstöð af úrvali úr jólaljóðabókinni Um jólin eftir Þórarinn Hannesson frá Bíldudal. Einnig jólaljóð úr ranni Stefáns Sigurðssonar, frá Hvítadal. En gaman er að geta þess að Kómedíuleikhúsið hefur einmitt gefið út verk þessa höfunda. Jólaljóðabókin Um jólin kom fyrst út árið 2013 og var svo vinsæl að hún seldist bara upp. Við vorum loks að endurútgefa þessa mætu jólaljóðabók og er hún komin í bókaverslanir um land allt. Í nóvember gáfum við síðan út veglegt ljóðúrval Stefáns sem kenndi sig við Hvítadal. Bókin ber heitið Allir dagar eiga kvöld og fæst vitanlega í næstu alvöru bókaverslun. 

Jólaljóðastundirnar eru hluti af tvíhliðasamningi sem Kómedíuleikhúsið er með við sinn bæ, Ísafjarðarbæ. Er þar um að ræða fjölmarga viðburði sem leikhúsið vinnur árlega fyrir bæinn einsog þau sem eldri og yngri borgurum var boðið uppá núna í vikunni. Samningurinn er á sínu síðasta ári og nú eru að hefjast viðræður um framhaldið. Við hlökkum sannlega til þess enda samstarfið við Ísafjarðarbæ verið farsælt. 

Gísli Súri var síðast myndaður árið 2005 í hlíðum Ísafjarðar. Ljósmyndari var Krummi.

Það verður sannarlega sögulegur dagur á morgun, föstudaginn 7. desember 2018, þegar Gísli okkar Súrsson fer í myndatöku. Hann hefur nefnilega ekki verið myndaður síðan í janúar 2005 einmitt þegar leikurinn var frumsýndur. Ljósmyndari var Krummi á Ísafirði. Þessi verðlaunaleikur hefur verið á fjölunum allar götur síðan og nálgast sýningar nú 350. Eigi þarf að geta þess að það er Kómískt met og meira en það Vestfjarðamet og kannski bara bráðum Íslandsmet. Enda hefur sami leikari leikið allar þessar sýningar hvort heldur í Haukadal í Dýrafirði, í Albaníu, Akureyri eða Þýskalandi svo aðeins nokkir sýningarstaðir séu nefndir. 

Gísli Súrsson er hvergi nærri sestur í helgan súr ef eitthvað mun sýningum fjölga miklu meir. Í janúar hefjast sýningar á leiknum í Tjarnarbíó. Sýnt verður á ensku svo gott sem vikulega eitthvað fram á vorið. Í sumar verður Gísli Súri vitanlega á fjölunum á heimaslóðum á Gíslstastöðum í Haukadal en þegar er búið að bóka fjölmargar sýningar á leiknum í heimahéraði. 

Það er Ragnheiður Arngrímsdóttir, ljósmyndari, sem ætlar að taka nýjar myndir af Gísla Súrssyni. Verður um að ræða bæði nýjar auglýsinga myndir sem og myndir úr sýningunni. Er það í fyrsta skipti sem teknar verða sérstaklega myndir úr sýningunni af ljósmyndara. Já, við erum óttalega kærulaus oft í þessum málum í leikhúsinu. Sem er um leið algjörlega kómískt því leikhúsið er jú list augnabliksins og því sérlega mikilvægt að festa listina á filmu. Betra seint en ekki sagði einhver. 

Kristín Nanna nýr starfskraftur Kómedíuleikhússins

Kómedíuleikhúsið hefur nú hafið tveggja mánaða kynningar- og markaðátak. Hefur leikhúsið því ráðið Kristínu Nönnu Vilhelmsdóttur til starfa. Mun Nanna næstu mánuði vinna að þessum mikilvægu málum í okkar leikhúsi. Það er staðreynd að einmitt kynning og markaðssetning skipta sífellt meira máli í þeim annasama heimi og tilveru sem við lifum á í dag. Kómedíuleikhúsið hefur lengi haft það á sinni stefnuskrá að gera gagnskör í þessum mikilvægu málum og loksins er komið að því, betra er seint en ekki sagði einhver. 

Kómedíuleikhúsið býður Kristínu Nönnu Vilhelmsdóttur, sem á ættir að rekja í Dýrafjörð nema hvað, velkomna til starfa og hlökkum mikið til samstarfsins. Einsog hinn maðurinn sagði, þetta verður ekkert leiðinlegt.