Leiklist og list á Þingeyri

Tilboðsverð: 2.900.- kr

Panta komedia@komedia.is

Höfundur: Elfar Logi Hannesson

Bls. 196 bls.

2020

 

Ný alvestfirsk leiklistar og listabók eftir Elfar Loga Hannesson, leikara. Hér rekur hann á fróðlegan og ferskan hátt hina einstöku leiklistar og listasögu Þingeyrar. Fer reyndar víðar því allur Dýrafjörðurinn er undir enda falla öll vötn þangað hvort heldur það er í listinni eða lífinu. Leiklistarsagan er sögð allt frá landnámi Dýrafjarðar til nútímans. Víða er leitað fanga í listasögu svæðisins enda stendru listin á gömlum merg á öllum sviðum listanna.

Elfar Logi hefur áður ritað leiklistarsögu Bíldudals enda hefur hann að markmiði að skrá leiklistarsögu allra þorpa og bæja á Vestfjörðum. Í þessu riti bætir hann um betur með því að rekja einnig listasögu Þingeyrar. Leiklist og list á Þingeyri er önnur bókin í þessari vestfirsku leiklistarbókaröð Kómedíuleikhússins. 

Leikskrár Kómedíuleikhússins

Þegar allir aðrir eru hættir að gera prentaðar leikskrár þá gerum við okkar enn þá stærri.

Leikskrár okkar eru í raun heil bók því hver leikskrá inniheldur jafnframt handrit viðkomandi leiks.Kómedíuleikhúsið er því um leið að stuðla að öflugri leikritaútgáfu. Margskonar annar fróðleikur er í hverri leikskrá um viðkomandi verk og listamenn þess.

Hver leikskrá kostar aðeins 500. -kr. En veittur er 50 % afsláttur ef þú kaupir þær allar.

Hér eru okkar veglegu leikskrár:

Með fjöll á herðum sér

Listamaðurinn með barnshjartað

Dimmalimm

EG

Gísli á Uppsölum

Gísli Súrsson, á ensku

 

Pantaðu þær allar strax í dag komedia@komedia.is 

Allir dagar eiga kvöld. Ljóðaúrval Stefáns frá Hvítadal

Loksins eru ljóð Stefáns fáanleg á bókverki á ný
Loksins eru ljóð Stefáns fáanleg á bókverki á ný

Tilboðsverð til þín: 1.499.- kr

Panta: komedia@komedia.is 

Ritstjórn Elfar Logi Hannesson

Bls. 84

2018

 

Skáldið er fólksins æð

Svo kvað skáldið Stefán Sigurðsson er kenndi sig við Hvítadal. Ósjaldan hitti hann á æð sinna lesenda í ljóðum sínum sem eru mörg hver með því dásamlegasta sem og áhrifaríkasta í ljóðlistasögu þjóðarinnar. Ljóð hans haf þó eigi verið aðgengileg í svo veglegri útgáfu í meira en hálfa öld.

Betra er seint en ekki sagði einhver og hér er komið á markað veglegt ljóðaúrval Stefáns frá Hvítadal. Útgáfan er myndskreytt af konum og stúlkum er allar koma úr sama ranni; móðir, dætur og barnabörn. 

Geisli Bíldudal

Geisli fæst hér og í Eymundsson um land allt
Geisli fæst hér og í Eymundsson um land allt

Tilboðsverð til þín: 1.499. kr.

Panta: komedia@komedia.is

Ritstjórn: Elfar Logi Hannesson

Bls. 105

2018

 

Um miðja síðustu öld kom út á Bíldudal blaðið Geisli. Ritstjóri var séra Jón Kr. Ísfeld sóknarprestur á Bíldudal. Blaðið var safnaðarblað en gerði þó meira en að miðla kristilegu efni því í hverju tölublaði voru fréttir úr heimahögum auk margskongar fróðleik um Bíldudal og Arnarjförð í fortíð og samtíð. Hér gefur að líta úrval úr Geisla þann tíma sem blaðið var gefið út á Bíldudal 1946 - 1960. Öllu kristilegu efni er þó sleppt þó allt sé það gott og sérlega blessað. Geisli segir sögu Bíldudals einsog hún hefur aldrei verið sögð aður. 

Einleikjasaga Íslands

Tilboðsverð til þín: 1.499.- kr

Frí heimsending 

Panta: komedia@komedia.is 

 

Höfundur: Elfar Logi Hannesson

Bls. 264

2017

 

 

Einleikjasagan er alveg einstök og miklu lengri en margur heldur. Sem listform hefur líklega formið ávallt verið til, eða alveg frá því að leikur taldist til lista. Sama á við um einleikjasögu Íslands, og þó hér sé sagan sögð frá 19. öldinni með hinum einstöku farandleikurum, þá er næsta víst að lelikurinn hófst mun fyrr. Án efa bara strax í landnámi þegar blessað fólkið sat í skálum sínum í skammdeginu.

Í þessu einstaka bókverki segir einleikarinn Elfar Logi Hannesson sögu einleiksins á Íslandi. Allt frá landnámi til farandleikara og loks inní sjálft leikhúsið sem hefur  verið heimavöllur einleiksins síðustu hundrað árin eða svo. Vel má segja að ritari sé á heimavelli, því síðustu tvo áratugi hefur hann fátt annað gert en að elika einn, hver svo sem ástæðan er fyrir því. Ýmsir telja það vera vegna þess að hann sé bara svona lélegur leikari. 

Muggur saga af strák

Tilboðsverð til þín: 1.699.- kr

Frí heimsending

Panta: komedia@komedia.is 

 

Höfundar: Elfar Logi Hannesson & Marsibil G. Kristjánsdóttir

Bls. 30

2017

 

 

Einu sinni var drengur. Hann hét Guðmundur en var alltaf kallaður Muggur. Drengurinn átti heima í litlu þorpi fyrir vestan. Hér er á ferðinni einstök og einlæg barnabók fyrir börn á öllum aldri.

Höfundar eru listahjónin Elfar Logi Hannesson frá Bíldudal og Marsibil G. Kristjánsdóttir frá Þingeyri. 

 

,,Þessi bók ætti að vera til á öllum heimilum. Skemmtileg saga með fallegum myndum."

Klara Harðardóttir

Leiklist á Bíldudal

Tilboðsverð til þín: 1.999.- kr

Frí heimsending

Panta: komedia@komedia.is 

 

Höfundur: Elfar Logi Hannesson

196 bls

2015

 

Sögusagnir eru margar. Ein þeirra er sú að Bílddælingar geri meira af því að skemmta sér en að vinna. Meðan íbúar næsta þorps geri akkúrat öfugt. Ekkert skal fullyrt um þessa sögn enda er hún bara saga ef til vill bara þjóðsaga. Hitt er hinsvegar alveg ljóst og marg vitað að list hefur allt frá upphafi þorpsmyndunnar á Bíldudal verið þar í miklum metum. Leiklist hefur jafnan verið þar fremst í flokki en fyrstu heimildir um leiksýningar á Bíldudal eru frá árinu 1894. Síðan þá hefur verið leikið í þorpinu af miklum krafti. Í þessari bók rekur Elfar Logi Hannesson, leikari og heimalingur hjá Leikfélaginu Baldri, hina einstöku leiklistarsögu Bíldudals allt frá upphafi til vorra daga. 

Leikræn tjáning

Kennslubók á íslensku í leiklist
Kennslubók á íslensku í leiklist

Tilboðsverð til þín: 999.- kr

Frí heimsending

Panta:komedia@komedia.is 

 

Kennslubók í leiklist

Höfundur: Elfar Logi Hannesson

89 bls

2015

 

Loksins er komin út kennslubók í leiklist á íslensku. Bókin Leikræn tjáninig er fyrir fólk á öllum aldri og fyrir alla sem áhuga hafa á leiklist. Leikræn tjáning nýtist á margan hátt og allsstaðar þar sem fólk kemur saman hvertu heldur í skólastarfinu, leiklistarnámskeiðum eða jafnvel bara á ættarmótinu. Leikræn tjáning er í raun æfingabanki sem innheldur fjölbreyttar æfingar í leikrænni tjáningu. 

Um jólin

Jólaljóðabók
Jólaljóðabók

Tilboðsverð til þín: 1.299.- kr

Frí heimsending

Panta: komedia@komedia.is 

 

Jólaljoðabók

Höfundur: Þórarinn Hannesson

Teikningar: Marsibil G. Kristjánsdóttir

33 bls

2013

 

Í þessu kveri eru ljóð sem öll tengjast jólunum á einhvern hátt. Hér er kveðið um Grýlu og karlana hennar, vestfirska jólavætti, þrettándann, skötuna sem margir snæða á Þorláksmessu að smákökuvæði ógleymdu. Einstök jólabók sem styttir biðina fyrir hátíðina og kemur öllum í gott jólaskap.

Icelandic Fairy- and Folk Tales

Audiobook

Reader: Elfar Logi Hannesson

Length: 65. min

2014

 

SOLD OUT

 

Now you can listen to some of the best fairy and folk tales of Iceland on one audiobook. Here are all kind of storys and strange folk and creatures. You will hear of alfs, ghosts, trolls and so much more. This audiobook is something that is worth to listen to and discover the old storys of Iceland.

Order here by sending us post on komedia@komedia.is The Icelandic Fairy- and Folk Tales is also avalible in bookstores around Iceland.

Álfa- og jólasögur

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 77. mín

2013

 

Hér er á ferðinni úrval álfa- og jólasagna úr þjóðsagnasafni Jóns Árnasonar. Alls eru 35 sögur á þessari hljóðbók. Sögurnar eru allsstaðar af á landinu og vissulega gerist meiri hluti þeirra í hólum, fjöllum og hæðum. En þó fjölmargar einnig í mannabyggð. Það er alveg óhætt að mæla með þessari sem er 12. þjóðlega hljóðbók Kómedíuleikhússins. 

Skrímslasögur

Skrímslasögur er enn ein perlan í hljóðbókaútgáfu okkar
Skrímslasögur er enn ein perlan í hljóðbókaútgáfu okkar

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 77. mín

2013

 

 

 

Sögur af skrímslum á Íslandi hafa gengið allt frá landnámi. Skímsli þessi eru margskonar stór, lítil, ill, ljót og jafnvel lífshættuleg. Á þessari hljóðbók er að finna úrval magnaðra skrímslasagna úr þjóðsagnaheimi þjóðarinnar. Alls eru skrímslasögurnar 31 þar sem segir af mörgum vel þekktum skrímslum. Meðal skrímsla sem koma við sögu á þessari hljóðbók má nefna Lagarfljótsorminn, Krosseyrarskrímslið, Fimmfætta skrímslið og ótal sögur af fjörulöllum, sæslöngu og ólíklegustu óvætta. 

Drakúla Makt myrkranna

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 6 klst

2013

 

Hér er á ferðinni hin einstaka en magnaða saga Bram Stoker um Drakúla. Saga sem hefur haft meiri áhrif en menn kannski kæra sig um. Sagan um Drakúla var fyrst gefin út á Íslandi um þar síðustu aldamót og hér er þessi magnaða saga loksins fáanleg á hljóðbók. Eitt er víst sagan mun fanga athylgi þína strax við fyrstu hlustun.

 

Hlustandinn getur sjálfur heyrt, þegar hann heyrir sögu þessa, hvernig þessum blöðum hefur verið raðað saman, svo að þau yrðu að einni heild. Ég hef ekki þurft að gera annað en að draga úr þeim ýmis smáatvik og láta svo sögufólkið sjálft skýra frá reynslu sinni í þeim sama einfalda búningi, sem blöðin upphafalega eru skrifuð í. Ég hef af augljósum ástæðum, breytt nöfnum manna og staða. En að öðru leyti skila ég handritinu óbreyttu, samkvæmt ósk þeirra, sem hafa álitið það stranga skyldu sína, að koma því fyrir almenningssjónir.

Bram Stoker

Íslensk ævintýri

Íslensk ævintýri
Íslensk ævintýri

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 77 mín

2012

 

 

Íslensku ævintýrin eru ein af perlum íslenskra bókmennta. Hér er úrval bestu íslensku ævintýra Jóns Árnasonar komin á eina vandaða hljóðbók. Meðal ævintýra má nefna Búkolla, Sagan af Fóu feykirófu og Sagan af Hlina kónssyni. Þjóðlegu hljóðbækurnar hafa slegið í gegn hjá fólki á öllum aldri. Enda er hér á ferðinni einstök útgáfa á hinum íslenska þjóðsagnarfi. Íslensk ævintýri er tíunda Þjóðlega hljóðbókin sem Kómedíuleikhúsið gefur út.

Galdrasögur

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 78 mín

2012

 

Galdrasögur er níunda Þjóðlega hljóðbókin. Nú eru það Galdrasögur í íslenskum þjóðsögum. Alls eru sögurnar í útgáfunni 22 hver annarri magnaðri og göldróttari. Meðal sagna má nefna Galdra-Loftur, Stokkseyrar-Dísa, Hauskúpur galdramanna, Sagnarandi kemur upp þjófnaði, Ljósið í hauskúpunni ofl kuklað góðar sögur. Þjóðlegu hljóðbækurnar hafa notið mjög mikilla vinsælda enda er hér á ferðinni frábæra útgáfa á íslenska þjóðsagnaarfinu. Skelltu þér á Galdrasögur strax í dag og bættu þannig kukluðum gullmola í Þjóðlega safnið þitt.

Draugasögur

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 77 mín

2011

 

Draugasögur er áttunda Þjóðlega hljóðbókin sem Kómedíuleikhúsið gefur út. Hér er á ferðinni mögnuð útgáfa á rosalegum draugasögum úr íslenskum þjóðsögum. Meðal sagna á Þjóðlegu hljóðbókinni Draugasögur má nefna: Móðir mín í kví kví, Skemmtilegt er myrkrið, Ábæjar-Skotta, Draugur tekur ofan, Fáðu mér höfuðskelina mína Gunna, Djákninn á Myrká ofl ofl alíslenskar spúkí sögur. Þjóðlegu hljóðbækurnar hafa notið gífurlegra vinsælda um land allt enda er hér á ferðinni mögnuð útgáfa á íslenska þjóðsagnaarfinum. Pantaðu þér Draugasögur strax í dag og bættu þannig við þjóðlega safnið þitt.

Bakkabræður og kímnisögur

Fæst í bókverslunum um land allt

Er á Storytel 

 

Lesarar: Ársæll Níelsson, Elfar Logi Hannesson

Lengd: 77 mín

2011

 

Sjöunda Þjóðlega hljóðbókin er sannkallað ævintýr þar sem allt getur gerst. Að þessu sinni eru Bakkabræðra- og kímnisögur í aðalhlutverki. Allar sögurnar eru úr hinu magnaða þjóðsagnasafni meistara Jóns Árnasonar. Sögurnar af Bakkabræðrum kannast margir við og nú loksins eru þær allar fáanlegar á einni og sömu hljóðbókinni. Kímnisögur eru fjölmargar og hverri annarri skondnari. Meðal kímnisagna má nefna ,,Nú skyldi ég hlæja, væri ég ekki dauður", ,,Klippt eða skorið", ,,Þjófur er hann Dalamann", ,,Neyttu á meðan á nefinu stendur" og fjölmargar fleiri. Þessa Þjóðlegu hljóðbók verður þú einfaldlega að eignast.

Þjóðsögur frá Hornströndum og Jökulfjörðum

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 117 mín

2010

 

 

Sjötta Þjóðlega hljóðbókin hefur að geyma einstakar sögur frá Hornströndum og Jökulfjörðum. Sögurnar eru úr safni Arngríms F. Bjarnasonar þjóðsagnasafnara. Hér segir af draugum, tröllum og fleiri furðuverum úr hinum íslenska þjóðsagnaarfi. Þjóðsögur frá Hornströndum og Jökulfjörðum er vegleg og vönduð útgáfa á hinum einstaka þjóðsagnaarfi þjóðarinnar.

Þjóðsögur frá Súðavík

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 101 mín

2009

 

Fimmta Þjóðlega hljóðbók Kómedíuleikhússins er sérlega vönduð og glæsileg. Að þessu sinni eru það Þjóðsögur frá Súðavík sem eru í aðalhlutverki. Hér segir af álfum, draugum og ýmsum furðuverum. Sögufrægar persónur koma einnig við sögu en þar fara fremstir í flokki þeir Galdra Leifi og Jón Indíafari. Þjóðsögur frá Súðavík er vönduð útgáfa á gömlu góðu þjóðsögunum sem standa ávallt fyrir sínu.

Þjóðsögur af Ströndum

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 93. mín

2008

 

 

Strandir eru mjög frægt og þekkt þjóðsagnasvæði þar sem álfar, draugar, tröll og ýmsar furðuverur hafa verið á sveimi lengur en elstu menn muna. Á þessari hljóðbók les Elfar Logi, leikari, úrval sagna af Ströndum sem sóttar eru í söfn Arngríms F. Bjarnasonar, Helga Guðmundssonar og Jóns Árnasonar. Sögunum er skippt niður í fimm flokka: Álfa- og huldufólkssögur, Draugasögur, Galdrasögur, Tröllasögur og loks ýmsar sagnir. Þjóðlegu hljóðbækur Kómedíuleikhússins hafa fengið feikigóðar viðtökur og víst er að Þjóðsögur af Ströndum er enn ein perlan í hljóðbókaútgáfu leikhússins.

Þjóðsögur úr Bolungarvík

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 93 mín

2008

 

 

Á þessari hljóðbók les Elfar Logi, leikari, úrval sagna úr safni fræðimannsins Finnboga Berndóussonar frá Bolungarvík. Sögurnar eru í bókinni Sögur og sagnir úr Bolungarvík sem naut mikilla vinsælda enda er bók þessi löngu uppseld. Þessi hljóðbókaútgáfa er því mikill fengur. Bolungarvík er ekki stórt sagnasavæði en þar hefur margt sögulegt gerst enda skiptir stærðinni ekki öllu einsog við vitum. Sögunum á þessari hljóðbók er skipt í þrjá flokka: Dulræn fyrirbæri, Sjávarfurður og Tröllasögur. Þjóðsögur úr Bolungarvík er mikil perla í þessari hljóðbókaútgáfu Kómedíuleikhússins enda er hér á ferðinni vönduð útgáfa þjóðsagna að vestan.

Þjóðsögur úr Ísafjarðarbæ

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 93 mín

2007

 

 

Ísafjarðarbær er stót og mikið sagnasvæði sem nær allt frá Dýrafirði til Hornstranda. Á þessari hljóðbók les Elfar Logi, leikari, úrval magnaðra þjóðsagna úr Ísafjarðarbæ. Sögurnar eru alls 33 og er skipt niður í fimm þjóðsagnaflokka: Álfa- og huldufólkssögur, Draugasögur, Galdrasögur, Skrímslasögur og Tröllasögur. Þjóðsögur úr Ísafjarðarbæ er vönduð útgáfa sem inniheldur einstakan sagnaarf í vönduðum flutningi.

Þjóðsögur úr Vesturbyggð

Fæst í bókverslunum um land allt

Er á Storytel 

 

Lesari: Elfar Logi Hannesson

Lengd: 99 mín

2007

 

 

Vesturbyggð er mikið sagnasvæði þar hafa skrímsli, tröll, álfar og ýmsar furðuverur verið á sveimi lengur en elstu menn muna. Á þessari hljóðbók les Elfar Logi, leikari, úrval þjóðsagna úr Vesturbyggð. Alls eru sögurnar 33 og er þeim skipt niður í fimm þjóðsagnaflokka: Álfa- og huldufólkssögur, Draugasögur, Galdrasögur, Skrímslasögur og Tröllasögur. Hér er á ferðinni vönduð útgáfa sem inniheldur einstakan sagnaarf í vönduðum flutningi.