fimmtudagurinn 13. febrúar 2020

Iğunn og eplin nıtt íslenskt leikverk

Iğunn og eplin er brúğu og grímusıning. Gestir fá ağ spreyta sig á grímuleik ağ sıningu lokinni.
Iğunn og eplin er brúğu og grímusıning. Gestir fá ağ spreyta sig á grímuleik ağ sıningu lokinni.

Það var hátíðardagur á Flateyri í gær, 12. febrúar, þá frumsýndi Kómedíuleikhúsið nýtt íslenskt leikrit Iðunn og eplin í Grunnskóla Flateyrar. Var þetta í fyrsta sinn sem Kómedíuleikhúsið frumsýndi á Flateyri en leikritið Iðunn og eplin er hinsvegar 47 uppfærsla Kómedíuleikhússins. Einsog nafnið gefur til kynna er hinn geggjaði goðaheimur undir í þessu nýja leikverki. Varðmaður goðanna Heimdallur er mættur til jarðar til að segja frá hinum norrænu goðum og lífinu í þeirra höll, Valhöll. Svo dregur til tíðinda þegar Iðunni er rænt og ekki nóg með það heldur einnig gulleplum hennar. Sem eru í raun töfraepli. Einu sinni í mánuði á stóra epladeginum fá goðin epli Iðunnar en nú stefnir í að goðinn verði bara gömul og grá því Iðunni og eplunum hefur verið rænt. Auðvitað var það Loki lævísi sem átti hlut að máli. Hvernig fer þetta eiginlega?

Önnur sýning á goðafræðistykkinu Iðunn og eplin var í morgun, 13. febrúar, á leikhúseyrinni í Grunnskóla Þingeyrar. Í næstu viku verða fjórar sýningar á leiknum fyrir æskuna á Ísafirði. 

Að vanda stefnum við á leikferð með Iðunn og eplin um landsbyggðina í framhaldinu á sýningunum hér vestra. 

Það er Uppbyggingasjóður Vestfjarða sem styrkir uppfærsluna á Iðunn og eplin. 

laugardagurinn 18. janúar 2020

Dimmalimm í Hofi

Dimmalimm á sviği
Dimmalimm á sviği

Hin ástsæla sýning Dimmalimm verður sýnd í Hofi Akureyri núna á sunnudag 19. janúar. Aðeins örfá sæti laus þegar þetta er ritað svo tryggið þér miða strax í dag á miðasöluvefnum tix.is 

Leikritið Dimmalimm var frumsýnt í Þjóðleikhúsinu í mars 2019. Síðan þá hefur leikurinn verið sýndur víða um land en sýningin í Hofi er sú 34. Dimmalimm er án efa eitt ástsælasta ævintýri þjóðarinnar. Samið og myndskreytt svo einlæglega og fagurlega af bílddælska listamanninum Guðmundi Thorsteinssyni eða Muggi. 

Fleiri sýningar á Dimmalimm eru fyrirhugaðar á árinu svo fylgist vel með hér á heimasíðunni okkar. Hér eru alltaf einhverjar ævintýralegar fréttir.

mánudagurinn 6. janúar 2020

Annáll Kómedíuleikhússins 2019

Ár frumsıninga
Ár frumsıninga

Hve lífið getur verið kómískt og skemmtilegt. Allt í einu er bara árið búið. Ekki nóg með það heldur er nýtt ár þegar byrjað. Það er við hæfi að við hér í atvinnuleikhúsi Vestfjarða tyllum okkur við tölvuappartið og setjum niður helstu fréttir  annó 2019. 

 

Frumsýnt í Þjóðleikhúsinu

Þetta var sannlega frumsýningarár. Því alls voru þrjú ný leikverk frumsýnd á árinu. Fyrst var það Dimmalimm sem frumsýnt var í Þjóðleikhúsinu 16. mars. Gaman er að geta þess að Kómedíuleikhúsið hefur átt farsælt samstarf við Þjóðleikhúsið síðustu ár og aldrei að vita nema framhald verði á því. Sýningunni var afskaplega vel tekið og eftir að ævintýrinu sleppti í Þjóðleikhúsinu var farið í leikferð um landið. Alls var Dimmalimm sýnt 33 sinnum á árinu og sýningar halda áfram á nýja árinu. Fyrsta sýning þessa árs verður 19. janúar í Hofi á Akureyri.

 

Frumsýnt á Siglufirði

28. september var önnur frumsýning ársins, Með fjöll á herðum sér. Ljóðaleikur er tileinkaður er skáldinu Stefáni Herði Grímssyni. Flytjendur voru bræðurnir Elfar Logi og Þórarinn Hannessynir. Leikurinn var unnin í samstarfi við Ljóðasetur Íslands á Siglufirði. Við frumsýndum einmitt fyrir norðan nánar tiltekið í hinum frábæra sal Gránu á Síldarminjasafninu. Eftir það var skundað til borgarinnar og sýnt í Hannesarholti. Leikurinn verður áfram á fjölunum á þessu ári m.a. í Bókasafni Kópavogs núna í janúar.

 

Frumsýnt á Tálknafirði

Það er engin vitleysa að við séum kölluð leikhús landsbyggðarinnar. Við ekki bara ferðumst um landið árið um kring heldur einnig frumsýnum við um land allt. Þriðja leikverk síðasta árs var Leppalúði og var það frumsýnt á Tálknafirði 13. nóvember. Eftir það var farið í heljar mikla leikferð um landið og þegar árinu lauk hafði leikurinn verið sýndur nærri 20 sinnum. Þetta er þriðja jólaleikritið sem Kómedíuleikhúsið setur á svið frá stofnun. Viðtökur á Leppalúða voru frábærar og því höfum við sett stefnuna á það að færa árlega upp jólaleikrit og sýna það á landsbyggðinni. Hvað er betra til að stytta biðina en skella sér á jólaleikrit.

 

Leiklistarmiðstöð

Kómedíuleikhúsið hefur lengst af verið rekið úr heimahúsi. En árið 2019 varð breyting þar á þegar við gerðum samning við okkar góða bæ, Ísafjarðarbæ, um afnot af húsnæði að Vallargötu 3. Rýmið sem um ræðir hafði staðið hlutverka og ljóslaust í nærri tvo áratugi. Það eru engar ýkjur að segja að þetta hafi verið okkur mjög kærkomið og mun auka starfsemi okkar til muna. Nú þegar hefur eitt leikrit verið æft þar, Leppalúði, og núna í janúar er það æft leikritið Iðunn og eplin. Auk þess hafa verið haldin grímunámskeið fyrir Grunnskólann á Þingeyri í Leiklistarmiðstöðinni og fyrir jól var sagan Aðventa lesin af íbúum Þingeyrar. Það má því segja að Leiklistarmiðstöð Kómedíuleikhússins að Vallargötu 3 Þingeyri sé að verða að einskonar leiksamfélagi. 

 

81 á 27

Árið 2019 var mjög ferðavænt ár. Alls sýndum við á 27 stöðum á landinu á árinu og í það heila voru sýningarnar 81 talsins. Móttökur voru hvarvetna dásamlegar. Á mörgum stöðum á landinu eru að myndast áhorfendakjarnar sem mæta duglega á sýningar okkar. Fyrir það erum við þakklát. 

 

Ísafjarðarbær & Uppbyggingasjóður Vestfjarða

Geta skal þeirra sem leggja okkur lið. Við eigum orðið gott bakland um land allt. Við viljum bara auka það og styrkja á nýja árinu. Og það ætlum við að gjöra með því að vera áfram dugleg að ferðast um landið með sýningar okkar. Tvo trúfasta styrktaraðila eigum vér og eru það Ísafjarðarbær og Uppbyggingasjóður Vestfjarða. Án þeirra væri starfsemi okkar sjálfhætt. 

 

Sjáumst í leikhúsinu ykkar um land allt á árinu 2020. Vegni ykkur öllum allt að sólu.

Þess óskar Kómedíuleikhúsið leikhús landsbyggðarinnar 

fimmtudagurinn 2. janúar 2020

Jóla- og şrettándaskemmtun Ísafirği

Komum saman og kveğjum jólin
Komum saman og kveğjum jólin

Ísafjarðarbær býður öllum til jóla- og þrettándaskemmtunnar sunnudaginn 5. janúar kl. 14:00 á sal Grunnskólans á Ísafirði. Aðgangur er ókeypis. 

Fjölbreytt skemmtan fer fram:
Álfadrottningin og álfakóngurinn syngja og spila lög að hætti stundarinnar.
Sýnt verður brot úr jólaleikritinu Leppalúði.
Dansdeild Listaskóla Rögnvaldar sýnir brot úr dansleiknum Litla stúlkan með eldspýturnar
Flutt verða álfa- og þrettándaljóð og hver veit nema Grýla mæti á svæðið með Hurðaskelli uppáhaldsson sinn.
Steini mætir með stóra heita súkkulaði pottinn sinn og þar fer engin ofan í heldur fá allir heitt súkkulaði!

Það er Kómedíuleikhúsið sem hefur umsjón með Jóla og þrettándaskemmtun fjölskyldunnar. 

fimmtudagurinn 19. desember 2019

Leppalúği á jólum á Şingeyri

Allir í leikhús á jólum
Allir í leikhús á jólum

Jólaleikritið Leppalúði verður sýnt á leikhúseyrinni Þingeyri á jólum. Sýnt verður sunnudaginn 29. desember kl.14.00 í Félagsheimilinu á Þingeyri. Miðasala er þegar hafin í síma 891 7025. Miðaverð er aðeins 2.500.- krónur.

Leikritið Leppalúði var frumsýnt 13. nóvember síðastliðin á Tálknafirði. Síðan þá hefur leikurinn verið sýndur víða um land við hinar mætustu viðtökur. Vart þarf að geta þess að Leppalúði er í aðalhlutverki í þessari sýningu. Ekki nóg með það heldur er hann í eina hlutverki leiksins. Það er nefnilega þannig að Leppalúði vaknar fyrstur allra í Grýluhelli. Á undan konu sinni Grýlu og jólasveinum öllum. Afhverju vaknar hann einn? Og afhverju er hann svo spenntur fyrir að vera sá eini sem er vakandi í Grýluhelli. Jú, því þá getur hann gert það sem honum finnst skemmtilegast að gera og það er að gera ekki neitt.

föstudagurinn 13. desember 2019

Ağventa lesin í Leiklistarmiğstöğinni

Vinsælasta jólasaga şjóğarinnar lesin í Leiklistarmiğstöğinni
Vinsælasta jólasaga şjóğarinnar lesin í Leiklistarmiğstöğinni

Laugardaginn 14. desember verður ein ástsælasta jólasaga þjóðarinnar, Aðventa, eftir Gunnar Gunnarsson lesin á Þingeyri. Lesturinn fer fram í leiklistarmiðstöð Kómedíuleikhússins að Vallargötu Þingeyri. Lesturinn hefst kl.14.14 á laugardag og mun standa um tvo og hálfan klukkutíma. Boðið verður upp á heitt súkkulaði og smákökur meðan á lestrinum stendur. Aðgangur er ókeypis og gestum er velkomið að koma og fara á hvaða tíma sem er. 

Alls munu sjö heimamenn lesa Aðventu Gunnars á laugardag. Gunnhildur Elíasdóttir hefur lesturinn en einnig munu þau Arnar Sigurðsson, Marsibil G. Kristjánsdóttir, Jónína Hrönn Símonardóttir, Arnhildur Lillý Karlsdóttir og tveir til lesa. 

Aðventa ljómar af þeim dimma og bjarta eldi sem kviknar af neistafluginu þegar veruleika og skáldskap er slengt saman, því að aðalpersónan Benedikt og leit hans að kindum uppi á öræfum í grimmasta mánuði íslensks vetrar eiga rætur sínar í veruleikanum.

Engin bók Gunnars hefur farið jafn víða um lönd og Aðventa sem hefur verið þýdd á um 20 tungumál.

Sagan er einföld á yfirborðinu, ekki flókin þegar því sleppir, heldur djúp og frjósöm. Stíll Gunnars er hvergi jafn látlaus og blátt áfram fallegur eins og í Aðventu.

mánudagurinn 9. desember 2019

Hátíğarsıning á Leppalúğa

Gefğu Leppalúğa í jólagjöf
Gefğu Leppalúğa í jólagjöf

Sérstök hátíðarsýning verður á Leppalúða á millum hátíða. Sýnt verður á leikhúseyrinni Þingeyri sunnudaginn 29. desember og að vanda verður sýnt í Félagsheimilinu. Miðaverðið er sérlega hátíðlegt eða aðeins 2.500.- krónur. Hægt er að gefa Leppalúða í jólagjöf með því að kaupa gjafabréf á sýninguna. Þitt er valið hve margir miðarnir eru geta verið alveg frá einum uppí 100. Engin vandamál í miðasölunni. Hafið bara samband og við græjum jólapakkanum. Miðasölusíminn er

891 7025.

Leppalúði hefur verið á ferð og flugi síðasta mánuðinni. Alls hefur leikurinn verið sýndur 16 sinnum og það á 14 stöðum. Leikritið um Leppalúða er einstaklega fjörugt verk þar sem tröllkarlinn hennar Grýlu fær loks sviðsljósið. Sagt er að Leppalúði vakni nefnilega fyrstur allra í Grýluhelli og þá fer hann að gera það sem honum finnst skemmtilegast að gera. Og það er að gera ekki neitt. 

föstudagurinn 6. desember 2019

Leppalúği á leikhúseyrinni Şingeyri

Leppalúği sındur á helginni á leikhúseyrinni Şingeyri
Leppalúği sındur á helginni á leikhúseyrinni Şingeyri

Nýjasta jólaleikrit Kómedíuleikhússins hefur heldur betur verið sýnt víða undanfarið. En alls hefur leikurinn verið sýndur 14 sinnum og það á 14 stöðum á landinu. Frumsýnt var 13. nóvember síðastliðinn á Tálknafirði. Nú er Leppalúði kominn heim, já á leikhúseyrina okkar hér á Þingeyri. A helginni verða tvær sýningar á Leppalúða í Félagsheimilinu Þingeyri. Sýnt verður á laugardag og sunndag og hefjast sýningar kl.14.00. Miðasala á staðnum og já við erum með posa. Miðaverð er aðeins 2.500.- krónur. 

Leikritið um Leppalúða er bráðfjörugt og sannlega fyrir börn á öllum aldri. Leppalúði hefur kannski ekki mikið verið í sviðsljósinu undanfarnar aldri en nú er loks komið að því að hann fái að sýna sitt rétta andlit. Það er nefnilega þannig að Leppalúði vaknar ávallt fyrstur allra í Grýluhelli. Og þá fer hann að gera það sem honum finnst skemmtilegast að gera og það er að gera ekki, neitt. 

Þetta eru síðustu sýningar á Leppalúða fyrir jól og því ekkert annað að gjöra en skunda á leikhúseyrina á helginni og kikka á Leppa. 

şriğjudagurinn 3. desember 2019

Leppalúği í Borgarnesi

Hinn víğförli Leppalúği mætir í Borgarnes
Hinn víğförli Leppalúği mætir í Borgarnes

Jólaleikritið Leppalúði verður sýnt í Borgarnesi miðvikudaginn 4. desember kl.17.30.  Sýnt verður í Félagsmiðstöðinni Óðal og allir eru velkomnir, miðaverð er aðeins 2.500.- krónur. Miðasala fer fram við innganginn á sýningardegi og já það er posi á staðnum.

Leppalúði hefur verið á ferð og flugi um landið síðan um miðjan nóvember. Frumsýnt var á Tálknafirði 13. nóvember og síðan þá hefur leikurinn verið sýndur á Bíldudal, Patreksfirði, Reykjavík, Reykhólum, Hvammstanga, Skagaströnd, Blönduósi, Barðaströnd, Þingeyri, Búðardal og nú í Borgarnesi.

Margir hafa heyrt hans getið en fæstir vita mikið um hann ef nokkuð. Enda hefur hann ávallt fallið í skuggann á konu sinni, henni Grýlu. En nú er loksins röðin komin að Leppalúða. Leikritið gerist í Grýluhelli hvar Leppalúði vaknar fyrstur allra og þá fer hann að gera það sem honum finnst skemmtilegast að gera. Hvað skyldi það nú vera? Jú, að gera ekki neitt. 

Bráðfjörugur leikur fyrir jólabörn á öllum aldri. 

föstudagurinn 29. nóvember 2019

Næstu sıningar á Leppalúğa

Leppalúği um land allt
Leppalúği um land allt

Kómedíuleikhúsið heldur áfram að ferðast með jólaleikrit ársins Leppalúði. Næstu sýningar á Leppalúða verða sem hér segir. Búðardal á þriðjudag, Borgarnesi miðvikudag, Hólmavík fimmtudag og á leikhúseyrinni Þingeyri á helginni. Uppselt er á sýninguna í Búðardal en laust á hinar sýningarnar. Miðasala fer fram á sýningarstað. Miðaverð aðeins 2.500. - kr.

Jólaleikritið Leppalúði var frumsýnt á Tálknafirði 13. nóvember síðast liðin og hefur verið sýndur víða síðan við hinar fínustu viðtökur. Höfundur og leikari er Elfar Logi Hannesson og leikstjórn annast Marsibil G. Kristjánsdóttir. 


Fyrri síğa
1
234567323334Næsta síğa
Síğa 1 af 34
Eldri færslur