Kómedíuleikhúsið í samstarfi við Í einni sæng frumsýndi hápólitíska gamanleikinn Heilsugæslan í Tjarnarbíó 12. mars liðinn fyrir smekkfullum sal áhorfenda. Önnur sýning var 15. mars og sú þriðja 19 mars og aftur fyrir smekkfullu húsi. Framundan eru fleiri sýningar á Heilsugæslunni í Tjarnarbíó og gengur miðasala vel. Laust er núna á laugardag 21. mars en uppselt daginn eftir. Aukasýning er komin í sölu 27. mars og einnig eru komnar fjórar aukasýningar í sölu í apríl. Miðasala fer fram á tix.is

Heilsugæslan er hápólitískur gamanleikur eftir Lýð Árnason lækni. Leikurinn stingur vissulega á ýmsum kílum er snertir heilbrigðiskerfið sem svo snertir okkur öll og er án vafa heitasta kartafla samfélagsins. Formið er tvíleikur þar sem leikararnir Elfar Logi Hannesson og Rakel Björk Björnsdóttir bregða sér í öll hlutverkin lækna sem sjúllanna, sjúklinganna sumsé. En alls koma 10 persónur við sögu. Ádeila er hluti af verkinu, mörgum steinum velt og upp vakna spurningar eins og  hvort heilbrigðiskerfið sé eins gott og af er látið, er það hugsanlega farið að vinna gegn tilgangi sínum, er aukinni eftirspurn sjúkdóma svarað með meira framboði, hvaða tilgangi þjónar góð heilsa og erum við kannski farin að meta lífið í magni fremur en gæðum?

Þar sem verkið er samið af lækni gefur það áhorfandanum öðruvísi sýn inn í það völundarhús sem heilbrigðiskerfið vissulega er og sérstaklega gæti verið áhugavert fyrir áhorfendur að upplifa sjónarhorn þeirra sem starfa í sjálfu kerfinu og vita hvað býr að tjaldabaki.  Einnig kemur fram fjölbreytt flóra af sjúklingum á öllum aldri og kynjum, sannkallaður þverskurður af samfélaginu.

Heilsugæslan var fyrst sýnd árið 2009 af Kómedíuleikhúsinu og Í einni sæng en nú hefur verkið verið uppfært enda heimsfaraldur og allskonar greiningar komið inní heilbrigðisgeirann síðan.

Miðasala er á tix.is

Kómedíuleikhúsið hefur gefið út bókina Leiklist á Ísafirði eftir Elfar Loga Hannesson, blekbónda. Í bókinni rekur höfundur leiksögu Ísafjarðar, bæjarins við flæðarmálið, allt frá fyrstu vituðu leikuppfærslu sem var svo snemma sem árið 1854 til samtímans eða þegar Litli Leikklúbburinn setti á senu Fiðlarann á þakinu sem fór síðan alla leið í Þjóðleikhúsið en uppfærslan var valin áhugaverðasta áhugaleiksýningin það leikárið. Víst hefur margt rekið að landi í bænum við flæðarmálið hvað leiksöguna varðar og í bókinni fáum við leiksöguna alla hvar fjölda margir koma við sögu allt frá leikurum til snillinganna er starfa baksviðs að áhorfendum ógleymdum en margir þeirra hafa lagt sitt af mörkunum við að vernda leiksöguna bæði með því að rita gaggarýni yfir í stuttra athugasemda á samfélagsmiðlum. Leiklist á Ísafirði fæst í Kómedíuleikhúsinu og í bókaverslunum um land allt. 

Fyrsta vitaða leikuppfærslan á Íslandi fór fram í Reykjavík 1852 tveimur árum síðar var komið að landsbyggðinni og það var einmitt á ísafirði sem fyrsta leikuppfærslan fór fram. Reyndar var sama leikverk á fjölunum í báðum þessum tímamóta uppfærslum en það var leikurinn Hrólfur eftir lista- og leikhúsfrumherjann Sigurð Pétursson. Allar götur síðan hafa leiksýningar og leiklist verið partur af bæjarlífinu á Ísafirði. Laust fyrir síðustu aldamót hófst svo félagatíminn á Íslandi og spruttu upp allra handa félög allt frá templara til kven- og íþróttafélaga. Fljótlega urðu einmitt leiksýningar vinsælar hjá þessum félögum og stór þáttur í þeirra starfi sem fjáröflun. Fyrsta vitaða leikfélagið á Ísafirði var stofnað svo snemma sem 1891 starfaði reyndar ekki og eftir það komu nokkur er einnig lifðu skammt. Það var svo árið 1922 sem Leikfélag Ísafjarðar var stofnað og starfaði allt þar til núverandi félag Litli leikklúbburinn tók við keflinu 1964. Leiklist á Ísafirði er prýdd fjölda mynda úr leiklífinu í bænum við flæðarmálið og fæast einsog áður sagði hjá Kómedíuleikhúsinu og í bókaverslunum um land allt.

Pantanir komedia@komedia.is 

Hinn bráðfjörugi búðuleikur Kómedíuleikhússins um Bakkabræður er sló í gegn fyrir vestan í sumar heldur nú suður á svið. Bakkabræður hafa komið sér vel fyrir i Gaflaraleikhúsinu í Hafnarfirði og er fyrsta sýning laugardaginn 19. september kl.13.00. Önnur sýning verður daginn eftir kosningar, sunnudaginn 26. september kl.13.00. Miðasla fer fram á tix.is og í Gaflaraleikhúsinu.

Bakkabræður er bráðfjörugt brúðuleikrit um hina einu sönnu bræður frá Bakka þá Gísla, Eirík og Helga. Kómedíuleikhúsið hefur fangað fjörið sem fylgir þessum þekktustu klaufabárðum Íslandssögunnar og setur upp sýningu þar sem ævintýri Bakkabræðra eru færð yfir í töfrandi búning brúðuleikhússins.

Lögin í sýningunni eru sungin af Diddú við tónlist sem Björn Thoroddsen, gítarleikari, semur og flytur. Marsibil G. Kristjánsdóttir hannar ævintýraheim leiksýningarinnar og gerir brúðurnar sömuleiðis. Leikari og þjónn brúðanna er Elfar Logi Hannesson, sem einnig er höfundur verksins ásamt Sigurþóri A. Heimissyni sem jafnframt leikstýrir.

Hinn bráðfjörugi búðuleikur Kómedíuleikhússins um Bakkabræður er sló í gegn fyrir vestan í sumar heldur nú suður á svið. Bakkabræður hafa komið sér vel fyrir i Gaflaraleikhúsinu í Hafnarfirði og er fyrsta sýning laugardaginn 19. september kl.13.00. Önnur sýning verður daginn eftir kosningar, sunnudaginn 26. september kl.13.00. Miðasla fer fram á tix.is og í Gaflaraleikhúsinu.

Bakkabræður er bráðfjörugt brúðuleikrit um hina einu sönnu bræður frá Bakka þá Gísla, Eirík og Helga. Kómedíuleikhúsið hefur fangað fjörið sem fylgir þessum þekktustu klaufabárðum Íslandssögunnar og setur upp sýningu þar sem ævintýri Bakkabræðra eru færð yfir í töfrandi búning brúðuleikhússins.

Lögin í sýningunni eru sungin af Diddú við tónlist sem Björn Thoroddsen, gítarleikari, semur og flytur. Marsibil G. Kristjánsdóttir hannar ævintýraheim leiksýningarinnar og gerir brúðurnar sömuleiðis. Leikari og þjónn brúðanna er Elfar Logi Hannesson, sem einnig er höfundur verksins ásamt Sigurþóri A. Heimissyni sem jafnframt leikstýrir.

Alls verða viðburðirnir 33 þegar sumarleikhúsi Kómediuleikhússins lýkur sem er einmitt á morgun, sunnudaginn 22. ágúst, með sýningu á Bakkabræðrum. Sumarleikhúsið hófst 11. maí með sýningu á verðlaunaleiknum Gísli Súrsson. 11 dögum síðar frumsýndum við brúðuleikinn Bakkabræður. Báðar þessar sýningar voru svo sýndar reglulega í sumar auk hins áhrifamikla leiks, Gísli á Uppsölum. Einnig fengum við góða gesti. Franziska og Siggi Björns voru með frábæra tónleika. Óttar Guðmundsson geðlæknir mætti með Sturlungu geðlæknisins, Vilborg Davíðsdóttir kom með Undir Yggdrasil og nú síðast Gudrun Kloes með verk sitt Grettir - sterki harmleikur í textíl. 

Nú tekur haustið og veturinn við. Áfram verður hægt að fá sýningar fyrir hópa í leikhúsinu okkar í Haukadal. Einnig erum við ávallt til í sýna um land allt árið um kring. Hvort heldur er í skólum, á hátíðum eða bara þegar fólk kemur saman. 

Leikferðalagið hefst í september þegar við sýnum Bakkabræður í Gaflaraleikhúsinu, það verður eitthvað. 

Alls verða sýningarnar orðnar 32 þegar sumarleikhúsi Kómediuleikhússins lýkur sem er einmitt á morgun, sunnudaginn 22. ágúst, með sýningu á Bakkabræðrum. Sumarleikhúsið hófst 11. maí með sýningu á verðlaunaleiknum Gísli Súrsson. 11 dögum síðar frumsýndum við brúðuleikinn Bakkabræður. Báðar þessar sýningar voru svo sýndar reglulega í sumar auk hins áhrifamikla leiks, Gísli á Uppsölum. Einnig fengum við 3 gestasýningar til okkar í sumar. Óttar Guðmundsson geðlæknir mætti með Sturlungu geðlæknisins, Vilborg Davíðsdóttir kom með Undir Yggdrasil og nú síðast Gudrun Kloes með verk sitt Grettir - sterki harmleikur í textíl. 

Nú tekur haustið og veturinn við. Áfram verður hægt að fá sýningar fyrir hópa í leikhúsinu okkar í Haukadal. Einnig erum við ávallt til í sýna um land allt árið um kring. Hvort heldur er í skólum, á hátíðum eða bara þegar fólk kemur saman. 

Leikferðalagið hefst í september þegar við sýnum Bakkabræður í Gaflaraleikhúsinu, það verður eitthvað. 

Það er komið sumar og leikhúsið okkar í Haukadal Dýrafirði fyllist brátt að leik og lífi. Mikið hvað það verður gaman þá. Framundan er leikhússumar í sveitinni, minnsta atvinnuleikhkúsi Íslands, þar sem ævintýrin gerast. Við erum klár með sýningardagatal sumarsins ´21. Eigi er þó allt hér því fleiri viðburðir verða í boði í sumarleikhúsinu okkar má þar nefna skemmtidagskrá með Jóhannesi Kristjánssyni og Karl Ágúst Úlfssyni. Margt annað er í spilunum svo það er óhætt að láta sig hlakka til sumarleikhússtunda í Kómedíuleikhúsinu Haukadal.

Miðasölusími: 891 7025

Einnig á tix.is 

Sýningardagatal Kómedíuleikhússins Haukadal

Maí

Þri. 11. k.20.00 GÍSLI SÚRSSON 348. sýn.

Lau. 22. kl.14.00 BAKKABRÆÐUR, frumsýning

Sun. 23. kl.14.00 BAKKABRÆÐUR 2. sýn

Mán. 24. kl.14.00 BAKKABRÆÐUR 3. sýn

Sun. 30. kl.14.00 BAKKABRÆÐUR 4. sýn

Júní 

Þri.1. kl.20.00 Siggi Björns & Franziska TÓNLEIKAR

Sun. 6. kl.14.00 BAKKABRÆÐUR 5. sýn 

Þri. 15. kl.20.00 GÍSLI SÚRSSON 349. sýn 

Mið. 16. kl.20.00 GÍSLI Á UPPSÖLUM 92. sýn

Sun. 20. kl.14.00 BAKKABRÆÐUR 6. sýn 

Mið. 23. kl.20.00 GÍSLI Á UPPSÖLUM 93. sýn

Fös. 25. kl.20.00 GÍSLI SÚRSSON - UPPSELT 350. sýn

Sun. 27. kl.14.00 BAKKABRÆÐUR 7. sýn

Mið. 30. kl.20.00 GÍSLI Á UPPSÖLUM 94. sýn

Júlí

Fim. 1. kl.20.00 STURLUNGA GEÐLÆKNISINS. Óttar Guðmundsson

Lau. 3. kl.14.00 BAKKABRÆÐUR 8. sýn

Lau. 3. kl.16.00 UNDIR YGGDRASIL. Vilborg Davíðsdóttir

Sun. 4. kl.14.00 BAKKABRÆÐUR 9. sýn 

Mið. 7. kl.20.00 GÍSLI Á UPPSÖLUM 95. sýn

Sun. 11. kl.14.00 BAKKABRÆÐUR 10. sýn 

Þri. 13. kl.20.00 GÍSLI SÚRSSON 351. sýn

Mið. 14. kl.20.00 GÍSLI Á UPPSÖLUM 96. sýn

Sun. 18. kl.14.00 BAKKABRÆÐUR 11. sýn 

Mið. 21. kl.20.00 GÍSLI Á UPPSÖLUM 97. sýn 

Lau. 24. kl.17.00 GÍSLI Á UPPSÖLUM 98. sýn

Sun. 25. kl.14.00 BAKKABRÆÐUR 12. sýn 

Mið. 28. kl.20.00 GÍSLI Á UPPSÖLUM 99. sýn 

Ágúst

Mið. 11. kl.20.00 GÍSLI Á UPPSÖLUM 100. sýn 

Sun. 15. kl.14.00 BAKKABRÆÐUR 13. sýn 

Mið. 18. kl.20.00 GÍSI Á UPPSÖLUM 101. sýn 

Sun. 22. kl.14.00 BAKKABRÆÐUR 14. sýn

Sjáumst í sumarleikhúsi Kómedíuleikhússins Haukadal Dýrafirði 

Einsog okkur öllum er ljóst þá er veiruskömmin aftur komin í aðalhlutverk hér á landi. Því bregðumst við öll hratt og skjótt við með góðum samtakamætti. Komum veirunni aftur í aftursætið og helst bara í skottið, skellum hengilásnum á og hendum svo lyklinum útí buskann.

Við ætluðum að frumsýna nýjasta verk okkar Bakkabræður 1. apríl en það verður víst bara alvörru aprílgabb. Það var allt að verða tilbúið fyrir frumsýningu, plakat komið í hús, leikskrá á leið í prentun, byrjað að auglýsa, senda út fréttatilkynningar, byrjað að renna sýningunni, lýsing hönnuð og meira að segja miðasala hafin. Við viljum nota tækifærið og þakka frábærar móttökur í miðasölunni því allt stefndi í að fyrstu 4 sýningarnar væru orðnar uppseldar þar til ákallið kom og veira dró tjöld leikhússins fyrir. Hefði verið svo gaman að taka á móti ykkur öllum í leikhúsinu okkar í Haukadal Dýrafirði. En enga vitleysu við tökum öll á veirunni saman og þá næst bestur árangur. 

Við sjáum svo bara til hvenær aftur verði fært til leiksýningahalds.

Styrkjum okkar eigin hóp hvert og eitt og gerum eitthvað skemmtilegt og gefandi meðan á þessu milliveirustandistendur.

Gangi ykkur allt að sólu og sjáumst í leikhúsinu í Haukadal á Bakkabræðrum. 

Miðasölusími: 891 7025

Bakkabræður er bráðfjörugt brúðuleikrit um hina einu sönnu bræður frá Bakka þá Gísla, Eirík og Helga. Kómedíuleikhúsið hefur fangað fjörið sem fylgir þessum þekktustu klaufabárðum Íslandssögunnar og setur upp sýningu þar sem ævintýri Bakkabræðra eru færð yfir í töfrandi búning brúðuleikhússins.

Lögin í sýningunni eru sungin af Diddú við tónlist sem Björn Thoroddsen, gítarleikari, semur og flytur. Marsibil G. Kristjánsdóttir hannar ævintýraheim leiksýningarinnar og gerir brúðurnar sömuleiðis. Leikari og þjónn brúðanna er Elfar Logi Hannesson, sem einnig er höfundur verksins ásamt Sigurþóri A. Heimissyni sem jafnframt leikstýrir.

Sýningar

Verið velkomin til Vestfjarða í apríl. Sýningarnar um Bakkabræður verða haldnar alla páskadagana í byrjun mánaðarins í Kómedíuleikhúsinu í Haukadal, Dýrafirði, auk tveggja annarra sýninga í apríl.

1. apríl – Frumsýning kl. 14.00

2. apríl – Önnur sýning kl. 14.00

3. apríl – Þriðja sýning kl. 14.00

4. apríl – Fjórða sýning kl. 14.00

10. apríl – Fimmta sýning kl. 14.00

17. apríl – Sjötta sýning kl. 14.00

Miðasölusími: 891 7025

Einnig hægt að panta miða með því að senda tölvupóst á komedia@komedia.is 

Afmælisrit Kómedíuleikhússins

Kómedíuleikhúsið atvinnuleikhús Vestfjarða er tuttugu ára í ár. Því þarf að fagna á kómískan hátt og það munum við gera allt afmælisárið. Fyrir stuttu komu í Kómedíuhús endurskinsmerki sem prýða merki leikhússins og hefur þeim verið dreift víða um Vestfirði og verða áfram aðgengileg á sýningum í leikhúsi okkar í Haukadal. 

Sérstakt afmælisrit er einnig komið í Kómedíuhús. Ritið inniheldur sögu Kómedíuleikhússins og er prýtt fjölda mynda úr starfseminni síðustu tvo áratugi. Einnig rita níu aðilar pistla í ritið en það eru þau Þórarinn Hannesson, forstöðumaður Ljóðaseturs Íslands, Jón Sigurður Eyjólfsson, sérlegur umboðsmaður Kómedíuleikhússins á Spáni, Hafdís Gunnarsdóttir, bæjarfulltrúi Ísafjarðarbæjar, Hjörleifur Valsson, fiðluleikari, Soffía Vagnsdóttir, Bolvíkingur og skrifstofustjóri fagskrifstofu grunnskóla hjá Reykjavíkurborg, Lýður Árnason, leikstjóri og fyrverandi yfirlæknir á Flateyri, Þorgeir Tryggvason, leiklistargagnrýnandi Morgunblaðsins með mörgu meiru, Dagrún Ósk Jónsdóttir, þjóðfræðingur, og Friðrik Friðriksson, framkvæmdastjóri Sjálfstæðu leikhúsanna. 

Afmælisritið fæst einsog endurskinsmerkin í leikhúsinu okkar í Haukadal.