sunnudagurinn 16. mars2014

Vk Mrdal og svo Selfoss

Bkolla, Fjalla-Eyvindur og Gsli Srsson  fer um Suurland
Bkolla, Fjalla-Eyvindur og Gsli Srsson fer um Suurland

Við erum á blússandi leikferð með þrjár leiksýningar. Í dag sýndum við Fjalla-Eyvind í heimasveit söguhetjunnar. Sýnt var í hinu stóglæsilega félagsheimili á Flúðum. Þétt setinn var bekkurinn og mikið hlegið. Á morgun, mánudag, sýnum við Búkollu og verðlaunaleikinn Gísla Súrsson fyrir framtíðina á Vík í Mýrdal. Nemendur grunnskólans munu mæta galvaskir í morgunsárið yngri deildin skemmtir sér með Búkollu og félögum. Eldri deildin mun síðan horfa á Gísla Súrsson. Á þriðjudag verður Gísli Súrsson aftur á fjölunum og þá í Sunnulækjaskóla á Selfossi. 

Síðan skundar kómíska bifreiðin heim á Ísafjörð þar sem æfingar halda áfram á nýju íslensku leikverki Halla. Um er að ræða barnaleikrit byggt á samnefndri ljóðabók eftir vestfirska skáldið Stein Steinarr. Halla verður frumsýnd í sal Listasafnsins á Bókasafninu á Ísafirði laugardaginn 12. apríl.