ţriđjudagurinn 26. nóvember 2013

Ný jólaljóđabók Um jólin

Jólaljóđ um Grýlu, jólabaksturinn og meira ađ segja um skötuna
Jólaljóđ um Grýlu, jólabaksturinn og meira ađ segja um skötuna

Kómedíuleikhúsið í samstarfi við Þórarinn Hannesson, forstöðumann Ljóðaseturs Íslands, hefur gefið út nýja jólaljóðabók. Þetta einstaka jólaljóðakver heitir Um jólin og hefur að geyma fjölbreytt jólaljóð. Hér er kveðið um jólatréð, jólabaksturinn, Grýlu og karlana hennar, vestfirska jólavætti, þrettándann, skötuna sem margir snæða á Þorláksmessu og Þorlák helga sem Þorláksmessa er kennd við. Ættu ljóðin að veita börnum á öllum aldri jafnt skemmtun sem fróðleik. 

Höfundur jólaljóðanna í jólakverinu Um jólin er Þórarinn Hannesson og er kverið glæsilega myndskreytt af Marsibil Kristjánsdóttur frá Þingeyri. Gaman er að geta þess að bæði hafa þau verið útnefnd bæjarlistamenn í sínum héruðum. Þórarinn var bæjarlistamaður Fjallabyggðar árið 2013 og Marsibil var bæjarlistamaður Ísafjarðarbæjar árið 2009. 

Jólaljóðakverið fæst í verslunum Eymundsson um land allt sem og völdum verslunum um land allt.