föstudagurinn 30. mars 2012

Skáldiđ á Ţröm um helgina

Nýjasta leikverk Kómedíuleikhússins Náströnd - Skáldið á Þröm hefur fengið fanta fínar viðtökur enda er hér á ferðinni einlæg og einstök saga alþýðulistamanns að vestan. Tvær sýningar verða núna um helgina á föstudag og laugardag kl.20 í Félagsheimilinu Suðureyri. Miðasala er í fullum gangi í síma 891 7025 en rétt er að geta þess að sætafjöldi er takmarkaður. Náströnd - Skáldið á Þröm er sérstök afmælissýning Kómedíuleikhússins sem fangar 15 ára afmæli sínu í ár. Það er Ársæll Níelsson sem leikur alþýðuskáldið Magnús Hj. Magnússon eða Skáldið á Þröm einsog hann er betur þekktur. Líf skáldsins var meira sannarlega sögulegt og oftast þyrnum stráð. Í þessari sýningu er gefin góð mynd af ævi þessa einstaka listamanns.

Loks má geta þess að leikurinn verður einnig sýndur um páskana. Sýnt verður á Páskadagskvöld kl.21.

mánudagurinn 26. mars 2012

Skáldiđ á Ţröm fékk fullt hús

Kómedíuleikhúsið frumsýndi nýtt íslenskt leikverk Náströnd - Skáldið á Þröm fyrir fullu Félagsheimili Súgfirðinga á föstudag. Leikurinn fékk fanta góðar viðtökur frumsýningargesta enda er hér um að ræða einstaka sögu alþýðulistamannsins Magnúsar Hj Magnússonar sem er betur þekktur undir heitinu Skáldið á Þröm. Leikurinn er byggður á dagbókum skáldsins og er allur texti leikverksins eftir Magnús. Náströnd - Skáldið á Þröm er sérstök afmælissýning Kómedíuleikhússins sem fagnar 15 ára afmæli sínu nú í ár og er leikhúsið með elstu starfandi einkarekinna leikhúsa í dag. Leikurinn er 28. frumsýning Kómedíuleikhússins.

Næstu sýningar á Náströnd - Skáldið á Þröm eru um helgina. Sýnt verður bæði á föstudag og laugardag kl.20 í Félagsheimilinu Suðureyri. Miðasala er þegar hafin í síma 891 7025

Nýtt íslenskt leikverk Náströnd - Skáldið á Þröm verður frumsýnt í kvöld kl.20 í Félagsheimilinu á Suðureyri. Uppselt er í kvöld en laus sæti á aðra sýningu annað kvöld kl.20. Verkið sem er einleikur fjallar um alþýðuskáldið Magnús Hj. Magnússon sem var fyrirmyndin af Ólafi Kárasyni í Heimsljósi Kiljans. Mikið er lagt í uppfærsluna sem er sérstök afmælissýning Kómedíuleikhússins sem fangar 15 ára afmæli í ár. Kómedían er meðal duglegustu leikhúsa landsins og er með elstu sjálfstætt starfandi leikhópa á landinu í dag. Athygli vekur að allur texti leikverksins er eftir Magnús sjálfan og er að mestu sóttur í dagbækur skáldsins sem eru mjög miklar af vöxtum gott ef kallinn eigi ekki Íslandsmet í dagbókarskrifum. Leikgerðina unnu þeir Ársæll Níelsson og Elfar Logi Hannesson sem er jafnframt leikstjóri en Ársæll bregður sér í hlutverk skáldsins. Höfundur tónlistar er Jóhann Friðgeir Jóhannsson en einnig er í sýningunni lag eftir son Súðavíkur, Mugison, slagarinn Ljósvíkingur. Ljósahönnður er Jóhann Daníel Daníelsson.

Sýningar á Náströnd - Skáldið á Þröm eru:

Fös. 23. mars kl.20 Uppselt

Lau. 24. mars kl.20 Laus sæti

Fös. 30. mars kl.20 Laus sæti

Lau. 31. mars kl.20 Laus sæti

Páskadag 8. apríl kl.21 Laus sæti

Miðasala á allar sýningar er þegar hafin í síma 891 7025. Miðaverð er 2.500.- kr en skólanemar og eldriborgarar fá 1.000.- kr afslátt af miðaverði.

mánudagurinn 19. mars 2012

Samstarfssamningur viđ Ísafjarđarbć

Á föstudaginn var endurnýjaður samstarfssamningur Ísafjarðarbæjar við Kómedíuleikhúsið. Samningurinn felur í sér að Kómedíuleikhúsið vinnur ýmis verkefni fyrir Ísafjarðarbæ árlega. Verkefnin eru: Leikhúsið verður með leikatriði á 17 júní, stendur fyrir 4 húslestrum á Bæjar- og héraðsbókasafni, sýnir leikrit og eða menningardagskrá í skólum bæjarins og standi fyrir leiklistarnámskeiði fyrir börn í bænum í tengslum við hátíðina Veturnætur. Samningurinn er til tveggja ára. Kómedíuleikhúsið vill þakka Ísafjarðarbæ fyrir traustið sem bærinn ber til leikhússins og er þessi samningur stór þáttur í því að styrkja starfsemi Kómedíuleikhússins. Gaman er að geta þess að Kómedíuleikhúsið fagnar 15 ára afmæli nú í ár og er leikhúsið meðal elstu starfandi einka leikhúsa á landinu. Óhætt er að segja að starfsemi einkaleikhúsi hafi verið mjög erfið síðustu ár sem sýnir hve fá þau eru eftir í dag sem starfa á ársgrundvelli. Ástæðan er fyrst og fremst skortur á opinberu fjármagni og verður að segjast einsog er að Menntamálaráðuneytið hefur staðið sig afleitlega hvað varðar atvinnuleiklist á landsbyggðinni. Þar á bæ vilja menn bara ekkert með það hafa að svoleiðis sé í gangi. Furðulegt. En sem betur fer hefur Ísafjarðarbær trú á atvinnuleiklist á landsbyggðinni og hefur nú sýnt það í verki með því að gera góðan samstarfssamning við Kómedíuleikhúsið. Hafið þökk fyrir.

miđvikudagurinn 14. mars 2012

Galdrasögur ný Ţjóđleg hljóđbók

Kómedíuleikhúsið hefur gefið út nýja Þjóðlega hljóðbók sem heitir Galdrasögur. Að vanda er sótt í hinni magnaða og frábæra þjóðsagnaarf Íslands. Galdrasögur er níunda Þjóðlega hljóðbók Kómedíuleikhússins en þær þjóðlegu hafa notið mikilla vinsælda um land allt enda er hér á ferðinni sérlega vönduð útgáfa á þjóðsögum þjóðarinnar. Alls eru 22 galdrasögur á nýju Þjóðlegu hljóðbókinni hver annarri magnaðri og göldróttari. Meðal sagna á hljóðbókinni Galdrasögur má nefna Galdra-Loftur, Gottskálk biskup grimmi, Allir erum við börn hjá Boga, Viltu skyr skeggi?, Ljósið í hauskúpunni, Sagnarandi kemur upp þjófnaði og Stokkseyrar-Dísa. Lesari er Elfar Logi Hannesson, leikari. Galdrasögur sem og allar Þjóðlegu hljóðbækurnar fást hér á heimsíðu Kómedíuleikhússins og í verslunum um land allt.

Æfingar á nýju íslensku leikverki Náströnd Skáldið á Þröm standa nú yfir hjá Kómedíuleikhúsinu. Hér er um að ræða alþýðlegan leik um alþýðuskáldið Magnús Hj. Magnússon betur þekktur sem Skáldið á Þröm er var fyrirmynd Halldórs Kiljan á Ólafi Kárasyni í Heimsljósi. Náströnd Skáldið á Þröm verður frumsýnt á söguslóðum skáldsins á Suðureyri föstudaginn 23. mars. Önnur sýning verður daginn eftir laugardaginn 24. mars og loks verða tvær sýningar helgina eftir. Allar sýningarnar verða í Félagsheimilinu á Suðureyri. Höfundar leiksins eru Ársæll Níelsson og Elfar Logi Hannesson, Ársæll leikur en Elfar Logi leikstýrir. Búninga og leikmynd gerir Marsbil G. Kristjánsdóttir, höfundur tónlistar er Jóhann Friðgeir Jóhannsson og ljósahönnuður er Jóhann Daníel Daníelsson.

Alþýðuskáldið Magnús Hj. Magnússon lifði engu venjulegu lífi og sjaldan var það neitt dans á rósum. Hann ritaði dagbækur frá unga aldri þar sem hann greinir nákvæmlega frá sorg og gleði í sínu lífi sem og grenir frá ýmsum viðburðum úr daglega lífinu. Strax í æsku urðu foreldrar hans að láta hann frá sér og þar með hófst þrautarganga ljósvíkingsins sem tók aldrei enda. Leikritið Náströnd Skáldið á Þröm er byggt á dagbókunum og er 99% textans eftir Magnús Hj. Magnússon.

Náströnd Skáldið á Þröm er 26. uppfærsla Kómedíuleikhússins sem er í dag með elstu starfandi atvinnuleikhópa landsins. Kómedíuleikhúsið fangar í ár sínu 15 ári og er leikurinn því sérstakur afmælisleikur Kómedíu. Athygli er vakin á því að Náströnd Skáldið á Þröm verður aðeins sýnt í takmarkaðan tíma.

sunnudagurinn 1. janúar 2012

Annáll Kómedíuleikhússins 2011

,,Nú árið er liðið í aldana skaut og aldrei það kemur til baka" það er nebblega það þá er best að pára hér niður helstu Kómedíufréttir ársins 2011. Árið var vissulega mjög kómískt og annasamt hjá litla atvinnuleikhúsinu fyrir vestan. Þrjú ný íslensk leikverk voru frumsýnd en óhætt er að segja að Kómedíuleikhúsið sé með duglegustu leikhúsum landsins við að frumflytja ný íslensk leikverk. Auk þess voru kómískir kunningjar með Gísla Súrsson fremstan í flokki, áfram á fjölunum. Act alone leiklistarhátíðin var haldin áttunda árið í röð og tvær nýjar Þjóðlegar hljóðbækur voru gefnar út. Kómedíuleikhúsið er meðal elstu starfandi sjálfstærða leikhúsa á Íslandi í dag en verulega hefur fækkað leikhúsum og hópum landsins síðustu ár. En gaman er að geta þess að ný hafið árið, 2012, er einmitt stókómísktafmælisár ár því í maí verður Kómedíuleikhúsið 15 ára. Kómedíuleikhúsið hefur stórkómíska drauma og hefur alla tíð haft þó allir draumar hafi ekki ræst enda væri lítið varið í það. Afmælisárið verður örugglega sérlega kómískt en vandi er um slíkt að spá einsog segir í kvæðinu rifjum það frekar upp í lok árs. Víkjum heldur á nýliðnu Kómedíuári 2011.

 

Fyrsta frumsýning ársins var á tvíleiknum Vestfirskur skáldskapur á 57 mín og Vestfirsk tónlist á 27 mín 4. febrúar í Arnardal. Frumsýningardagurinn bar einmitt uppá afmælisdegi Kómedíustjórans, Elfars Loga Hannessonar, sem fagnaði árunum 40 með þessari sýningu og var það vel við hæfi. Kómedíusonurinn Ársæll Níelsson lék ásamt Elfari og með þeim á senunni var einnig Guðmundur Hjaltason, tónlistarmaður. Einsog nafn verksins gefur til kynna er hér verið að fjalla um hinn stórmerka vestfirska skáldskap. Byrjað var á Íslendingasögunum og svo fetað sig áfram í gegnum vestfirsku skáldskaparsöguna allt til nútímans. Allt var þetta gert á 57 mínútum og geri aðrir betur. Ekki nóg með það heldur var einnig fjallað um vestfirska tónlist og það á aðeins 27 mínútum, það er greinilega allt hægt. Leikgerðina gerður þeir félagar en höfundur tónlistarinnar í verkinu sá Guðmundur um. Leikmynd og búninga gerði Marsibil G. Kristjánsdóttir. Leikurinn var sýndur við fantafínar viðtökur í Arnardal og loks í Reykjavík.

Næsta verkefni Kómedíuleikhússins var ekki síður djarft en Kómedían hefur ósjaldan tekið verk sem fáum dettur í hug að sé hægt að setja í leikbúning. Verkefnið var kannski sérlega djarft að þessu sinni en samt alltof freistandi til að sleppa því. Frægasti sonur Vestfjarða Jón Sigurðsson fagnaði tveggja alda afmæli og að sjálfsögðu var slegið upp veislu. Afmælisnefnd Jóns Sigurðssonar koma að máli við Kómedíuna þess efnis að búa til leikverk um sjálfstæðishetjuna. Að sjálfsögðu sögðum við já og hófumst þegar handa. Elfar Logi Hannesson brá sér í hlutverk sveitunga síns Jóns Sigurðssonar og var einnig höfundur handrits en leikurinn fékk einfalda nafnið Jón Sigurðsson strákur að vestan. Marsibil G. Kristjánsdóttir gerði búninga og leikmynd. Ársæll Níelsson leikstýrði en þetta var jafnframt fyrsta leikstjórnaverkefni hins unga og efnilega leikhúslistamanns. Jón Sigurðsson strákur að vestan var frumsýndur á afmælisdegi söguhetjunnar þann 17. júní á æskuslóðum hetjunnar á Hrafnseyri við Arnarfjörð. Margir bjuggust við því að fá hér að heyra allar frægðarsögurnar af Jóni fjárkláðamálið, Vér mótmælum allir fundinn og allt það en allt kom fyrir ekki. Leikurinn fjallar nefnilega um æsku og mótunarár Jóns á Hrafnseyri sem voru sannarlega söguleg. Áhorfendur urðu samt ekki fyrir vonbrigðum enda er æskusaga ,,forsetans" fáum kunn. Leikurinn var sýndur í kapellunni á Hrafnseyri út sumarið. Í kjölfarið kom svo Haustleikferð Kómedíuleikhússins þar sem Jón Sigurðsson strákur að vestan var sýndur ásamt leiknum

Bjarni á Fönix en leikirnir tengjast ættar-og sögulegum böndum. Haustleikferðin stóð yfir í 16 daga þar sem sýndar voru 16 sýningar á jafnmörgum stöðum bæði á Vesturlandi og Vestfjörðum. Leikferðin heppnaðist hið besta og líklegt að Haustleikferð Kómedíuleikhússins verði að árlegum viðburði. Ekki var þó ævintýrinu lokið því leikhúsinu var boðið að sýna báða leikina í Kaupmannahöfn í Danmörku á vegum Íslendingafélagsins. Loks voru sýningar í höfuðborginni og á Selfossi.

Þriðja frumsýning ársins var svo í lok nóvember. Þar var á ferð sýning um vestfirsku jólasveinana sem sagt er frá í gömlu góðu þjóðsögunum en sveinar þessir hafa ekki sést meðal manna í áratugi. Leikurinn heitir Bjálfansbarnið og bræður hans. Sýnt var í Listakaupstað á Ísafirði þar sem Kómedíuleikhúsið hefur aðstöðu og var þetta jafnframt fyrsta frumsýningin í Listakaupstað. Höfundur og leikari er Elfar Logi Hannesson, Þórarinn Hannesson samdi jólasveinavísur  sem fluttar eru í leiknum, Marsbil G. Kristjánsdóttir skapaði alla umgjörð leiksins þar á meðal jólasveinana sem voru allir túlkaðir með grímum og öllu ævintýrinu leikstýrði Ársæll Níelsson. Viðtökur voru framar öllum vonum og sýningar urðu alls 10 í Listakupstað. Á nýju ári er stefnt að leikferð um landið með Bjálfansbarnið og bræður hans.

Kómedíuleikhúsið hefur haslað sér völl á hljóðbókamarkaðnum svo eftir hefur verið tekið. Útgáfan nefnist Þjóðlegar hljóðbækur og bættust tvær nýjar við á árinu. Um vorið kom út Þjóðlega hljóðbókin Bakkabræður og Kímnisögur, í flutningi Ársæls Níelssonar og Elfars Loga Hannessonar. Um haustið voru það Draugasögur, í flutningi Elfars Loga, og var það jafnframt áttunda Þjóðlega hljóðbókin. Allar fást þær á heimasíðu Kómedíuleikhússins www.komedia.is og í verslunum um land allt.

Kómískir kunningjar voru einnig á fjölunum á árinu. Áður var minnst á sögulega einleikinn Bjarni á Fönix sem var sýndur víða um landið. Tófustykkið Gaggað í grjótinu var einnig sýnt á árinu í Melrakkasetrinu í Súðavík. Sýningin hefur gegnið í tvö leikár en aðsóknartölur voru kannski ekki þær allra hæstu á liðnu ári en þannig er það nú bara í leikhúsinu. Síðast en ekki síst var mjólkurkýr Kómedíuleikhússins á ferð og flugi sem aldrei fyrr. Hér er að sjálfsögðu átt við verðlaunaleikinn Gísli Súrsson sem gengur og gengur og gengur. Enda er hér einstök sýning á ferðinni sem eldist jafnvel betur en besta rauðvín.

Loks rann upp ágúst og það þýðir bara eitt hjá Kómedíuleikhúsinu. Act alone. Þessi einstaka leiklistarhátíð sem er helguð einleikjum og er meðal fárra slíkra í Evrópu var haldin áttunda árið í röð. Að vanda sá Kómedíuleikhúsið um listræna stjórn hátíðarinnar einsog það hefur gert allt frá upphafi. Hátíðin fór fram dagana 12. - 14. ágúst á Ísafirði og Hrafnseyri í Arnarfirði. Að vanda var boðið uppá rjómann af íslenska einleikjaárinu en alls voru sýndar níu sýningar og þar af gestasýning frá Noregi. Act alone lukkaðist í alla staði frábærlega og er án efa ein flottasta listahátíð landsbyggðarinnar í dag.

Einsog lesa má hefur Kómedíuárið verið fjölbreytt og viðamikið. Við erum bara nokkuð ánægð með okkar verk og þökkum það frábæru starfsfólki sem hefur staðið með okkur og unnið einstakt verk. Að ógleymdum öllum velunnurum, styrktaraðilum og síðast en ekki síst áhorfendum um land allt. Án ykkar allra væri Kómedían ekki jafn söguleg og hún er. Við munum áfram leitast við að gera okkar allra best í öllum okkar verkum og vonumst til að þið hafið áfram trú á okkur.

Það er við hæfi að ljúka þessu 2011 spjalli með því að kikka dulítið á 2012 og hvað sé framundan hjá Kómedíunni á nýbyrjuðu afmælisári.

 

Kómedían árið 2012

Skáldið á Þröm - Nýtt íslenskt leikverk frumsýnt á Suðureyri í mars

Listamaðurinn með barnshjartað - Nýtt íslenskt leikverk frumsýnt í Selárdal í júní

Act alone haldin níunda árið í röð dagana 10. - 12. ágúst Ísafirði og Suðureyri

Þrjár nýjar Þjóðlegar hljóðbækur gefnar út

fimmtudagurinn 29. desember 2011

Sérstök hátíđarsýning á Bjálfansbarniđ

Jólaleikritið Bjálfansbarnið og bræður hans hefur fengið frábærar viðtökur leikhúsgesta á öllum aldri. Leikurinn var frumsýndur síðustu helgina í nóvember og var sýnt allar helgar til jóla. Sérstök hátíðarsýning verður á jólaævintýrinu vinsæla föstudaginn 30. desember kl.17 í Listakuapstað á Ísafirði. Miðasala er þegar hafin í Vestfirzku verzluninni en ennig er hægt að bóka miða í miðasölusíma Kómedíuleikhússins 891 7025. Miðaverðið er það sama kómíska og góða aðeins 1.900.-kr. Vestfirsku jólasveinarnir Bjálfansbarnið og bræður hans halda nú aftur til síns heima eftir vel lukkaða endurkomu en sýning á föstudag verður sú tíunda. Bjálfansbarnið og bræður hans ætla nú að leggja sig næstu 10 mánuðina eða svo en mæta svo aftur fyrir jólin 2012 og stefna þá á leikferð um landið. Nú er bara að bóka sér miða í tíma og bjóða fjölskyldunni allri á sannkallað jólaævintýr.

föstudagurinn 23. desember 2011

Vinningshafar í Jólakortaleik Bjálfansbarnsins

Þorláksmessa komin og við erum búin að draga í jólakortaleik Bjálfansbarnsins og bræðra hans. Allir þeir sem komu í leikhús og sáu jólaleikritið vinsæla Bjálfansbarnið og bræður hans áttu kost á að vinna. Og nú er búið að draga alls eru vinningarnir 35, 10 Machintosh dollur og 25 Þjóðlegar hljóðbækur. Vinningshafar geta nálgast vinninga sína strax í dag í versluninni Hamraborg á Ísafirði. Vinningshafarnir eru:

 

Machintosh:

Daði Snær Grétarsson

Elma Katrín Steingrímsdóttir

Lína Björg

Vala Karítast Guðbjartsdóttir

Þorsteinn Goði Einarsson

Guðmundur Brynjar

Guðmunda Hreinsdóttir

Lára Gísladóttir

Alda Iðunn

Jón Guðni Pétursson

 

Þjóðlegar hljóðbækur:

Lína Guðrún Gísladóttir

Alexandra

Einar Arnalds

Þráinn Orri Unnarsson

Stefán Örn

Sindri Freyr Sveinbjörnsson

Þorsteinn og Guðmundur Einarssynir

Helga Jónsdóttir

Karolína Aníkiej

Guðný Ósk Sigurðardóttir

Eva Rún

Sólrún Katla Elíasdóttir

Harpa Rögnvaldsdóttir

Alexander Hrafn Ársælsson

Karólína Mist Stefánsdóttir

Arna Eiríksdóttir

Sigríður R Jóhannsdóttir

Katrín Lilja

Jónína Arndís Guðjónsdóttir

Einar G Jónasson

Stefanía Jóna Hafliðadóttir

Sóldís Björt

Þorleifur H Ingólfsson

Hjördís Harðardóttir

Rakel Antonsdóttir

 

 

Til hamingju öll og Gleðileg jól.

 

Jólaćvintýri fyrir alla fjölskylduna
Jólaćvintýri fyrir alla fjölskylduna

Hið vinsæla jólaleikrit Bjálfansbarnið og bræður hans hefur gengið fyrir fullum Listakaupstað síðustu helgar. Um helgina verða síðustu sýningar fyrir jól á verkinu. Sýnt verður bæði laugardag og sunnudag kl.14.00 báða dagana miðasala er þegar hafin í Vestfirzku verzluninni og í miðasölusíma Kómedíuleikhússins 891 7025. Bjálfansbarnið og bræður hans fjallar um vestfirsku jólasveinanna sem hafa ekki sést í mannabyggðum í eina öld ef ekki meira. Þessir sveinar eru sannkallaðir jólasveinar einsog nöfn þeirra gefa til kynna Froðusleikir heitir einn þeirra annar heitir Langleggur enn annar Lækjaræsir og ekki má gleyma sjálfu Bjálfansbarninu. Bjálfansbarnið og bræður hans er sannkallað jólaævintýr fyrir alla fjölskylduna. Rétt er að geta þess að sérstök hátíðarsýning verður milli hátíðanna og verður sú sýning föstudaginn 30. desember kl.17. Miðasala á þá sýningu er einnig hafin og gengur dúndur vel því um að gera að bóka sér miða í tíma.

Eldri fćrslur